Raad van Direkteure

Die OTW (Organisasie vir Transformerende Werke) word bestuur deur fans vir fans. Die direkteure van OTW se Raad is almal aktief in fandom, net soos die honderde ander mense wat op die organisasie se komitees dien en as vrywilligers werk.

Raad van Direkteure

Kati Eggert werk in projekbestuur, hoofsaaklik in departementele projekte met ‘n fokus op IT en Digitalisering. Sy het verlief geraak op wetenskapfiksie en fantasie kort nadat sy leer lees het. Sy het by georganiseerde fandom aangesluit in die era van gedrukte fantydskrifte en maandelikse papiernuusbriewe nadat sy toevallig ‘n advertensie vir ‘n Star Trek-fanklub gesien het. Sy geniet cosplay en om as vrywilliger te werk by konvensies, veral vir klein, fangeorganiseerde konvensies. Terwyl Kati steeds mal is oor Star Trek, het sy ook vertak na menigte ander fandoms en lees graag meta oor fandom en fanwerke. Kati het van die organisasie se ontstaan in 2008 die OTW se ontwikkeling gevolg en het uiteindelik in 2015 by die Beleidsmisbruik-komitee aangesluit, gevolg deur die Vertalingskomitee (Span Duits) in 2019.

Natalia Gruber het per ongeluk haar eerste fanfik ontdek terwyl sy op die laaste Harry Potter-boek gewag het, en het vir die langste tyd gedink dat dit ‘n wonderlike maar afgesonderde idee was. Gelukkig het sy uiteindelik uitgevind dat hierdie verhaal nie die enigste een was nie, maar dat fandom ‘n lewendige, ryk gemeenskap is met wonderlike mense en meer fiksie as wat sy ooit kon lees. Sy het ‘n paar jaar lank meestal Harry Potter gelees totdat sy by die Tolkien-fandom aangesluit het. Daar het sy uiteindelik haar eie werke begin publiseer en vriende gemaak met ander fans, en dit is waar sy steeds die meeste tuis voel. Nat, ‘n Engelse onderwyseres, het in 2016 by die OTW aangesluit as ‘n Brasiliaanse Portugese vertaler. ‘n Paar maande later het sy deel geword van die Beleidsmisbruik- en Etiket Organisasie komitees, waar sy ‘n wonderlike ervaring gehad het en baie meer oor die OTW en sy werk geleer het. Aan die einde van 2017 het sy besluit om by die Vertalingskomitee se personeel aan te sluit om vertalers in hul werk te ondersteun en by te staan, en doen nog baie ander interkomitee- en bestuurstake.

Lex de Leon werk tans vir die Amerikaanse regering as ‘n spesialis in inligtingstegnologie vir dokument- en inhoudsbestuur, met ‘n spesifieke fokus op die invoer, migrasie en langtermynbewaring van rekords. Hy het sy fandom-begin gemaak met die skryf van fanfiksie vir die Valdemar-reeks en het sedertdien verskeie fandoms opgebou wat hy altyd bereid is om te bespreek. Hy is ‘n passievolle femslash shipper en geniet dit om fik te skryf wat gebruik maak van sy lewenservarings en verbeelding, en om enige fik te lees wat sy aandag trek of ‘n paring het wat hy geniet. ‘n Toevallige besoek aan AO3 net nadat die werwing vir die Ondersteuningkomitee aangekondig is, het daartoe gelei dat hy aansoek gedoen het met die oortuiging dat sy dekade ervaring in tegniese ondersteuning nuttig sou wees binne die OTW. Hy glo vas in die OTW se missie en wil voortgaan met die organisasie se werk in die toekoms. Op een of ander manier het ‘n lieflike vrou, wat altyd bereid is om na sy idees oor fanwerke te luister, ingestem om met hom te trou. Saam maak hulle twee katte, ‘n hond en een knorrige loopvoël groot.

Rebecca Sentance (President) is al ongeveer vyftien jaar in fandom en het haar begin gemaak op Quizilla waar sy tweedepersoon-fanfik gelees het in fandoms soos Yu-Gi-Oh!, Inuyasha, Yu Yu Hakusho en Dragonball Z. Haar eerste fanwerk ooit was ‘n Enid Blyton fanfiksie wat sy op vyfjarige ouderdom geskryf het – lank voordat sy ooit kon droom dat daar dalk hele gemeenskappe mense was wat hierdie werke aanlyn publiseer en lees.

Sy het die AO3 in 2011 ontdek en het stadigaan begin leer oor die organisasie daaragter en sy vele ander projekte, wat daartoe gelei het dat sy in die fandomgeskiedenis en die akademie van fans gedelf het, en geleer het oor die noodsaaklike belang van die bewaring en verdediging van fanwerke van alle soorte. Terwyl sy gretig was om deel te wees van die OTW, het sy nie geslaag daarin om ‘n oop werwingsrondte te maak tot middel-2015 nie, kort na sy haar nagraadse studies voltooi het en ‘n pos vir AO3-dokumentasiepersoneel gesien het – die perfekte pasmaat vir iemand wat lief is vir als wat met woorde te doen het.

Sy het toe later die weg gevind na die Transformerende Werke en Kultuur- en Fanlore-komitees, en bestee nou ‘n beduidende deel van haar tyd aan deel van hierdie wonderlike gemeenskap van fans. Wanneer sy nie met die OTW besig is nie, lê sy laag in verskillende dele van Marvel fandom soos sy haar nuutste fik uitstel.

Alex Tischer werk as ‘n nood- en kritieke sorg-veearts, tans in die Verenigde Koninkryk. Alex was sedert voor die millennium in fandom en het deur meer fandoms migreer as wat hier gelys kan word, is al ‘n lid van die OTW sedert die organisasie se stigting en het net so lank as vrywilliger gedien. Afgesien van media-fandom het Alex ook op een of ander manier in die vreemde en wonderlike wêreld van sport beland – wat baie nisgroepe het wat op verrassende maniere soos fandoms lyk. Wanneer hulle nie met siek troeteldiere te doen het nie, kan Alex net so gereeld gevind word op fiksheidsbane, besig om te klim of op veldwedlope, as wat hulle besig is om media te verbruik.

Jess White is ‘n ywerige verbruiker van alle fandom dinge sedert sy in die vroeë ’90s haar tante se Kirk/Spock-fantydskrifte ontdek het. Daarna het sy haar eie fanfik in notaboeke met sprankelpenne geskryf en later inhoud op boodskapborde, individuele fandomforums, LiveJournal en uiteindelik AO3 geplaas. Jess is al die afgelope ses jaar ‘n vrywilliger by die OTW, hoofsaaklik op die Beleidsmisbruik-komitee. Sy het ook ‘n kort rukkie by die Ondersteuningkomitee gewerk (vir ongeveer twee jaar) en is tans ook ‘n vrywilliger by Fanlore as deel van die Beleids- en Administrasie-komitee personeel. Buiten fandom is Jess al vyftien jaar ‘n onderwyseres.

Kirsten Wright (Sekretaresse) is ‘n lid van die OTW-kommunikasiespan. Kirsten het in 2014 aangesluit op aanbeveling van ‘n voormalige professor. Sy modereer tans die OTW Facebook-blad, sowel as die LiveJournal- en Dreamwidth-rekeninge. Sy het voorheen die OTW Twitter-rekening, sowel as die Fanlore Twitter- en Tumblr-rekeninge, gemodereer. Kirsten het as ‘n jong tiener georganiseerde fandom ontdek en het nooit teruggekyk nie. Op verskillende tye het fandom gedien as onderwyseres en vriendin, en dit is hoe sy uiteindelik haar loopbaan in politieke veldtogte in die Verenigde State ontdek het. Sy spring rond tussen fandoms, maar het die meeste fik vir The Social Network geskryf. Haar gunsteling genre van fik is die oor alledaagse dinge. Sy het beslis al meer as een 200 000-woord fanfik na middernag tydens ‘n werksweek begin lees.

Nie-Direkteur beamptes

Yuechiang Luo (Tesourier)

Rustende Direkteure.

Lees meer oor ons huidige komitees hier.