Raad van Direkteure

Die OTW (Organisasie vir Transformerende Werke) word bestuur deur fans vir fans. Die direkteure van OTW se Raad is almal aktief in fandom, net soos die honderde ander mense wat op die organisasie se komitees dien en as vrywilligers werk.

Raad van Direkteure

Kari Dayton (sy/haar) het fandom vir die eerste keer op ‘n baie jong ouderdom gevind via Sailor Moon, maar dit sou nog ‘n paar jaar neem voordat sy fanfic in die Harry Potter-fandom vind. (Sy glo sterk in Trans Rights en is lief vir die werk wat gedoen is om die wonderlike Harry Potter fandom te distansieer van die haatlike vitriool wat die skepper voorstaan.) Alhoewel baie komplot-hasies in haar kop leef, skryf sy nie baie fanfic nie en verkies om agter die skerms te werk as ‘n tag-wrangler, ‘n komitee waarby sy in 2018 aangesluit het. Sy is ‘n aktiewe Tag Wrangling-toesighouer (sedert 2019), en geniet dit om te help met administratiewe werk en dinkskrum oor maniere om wranglers se lewens makliker te maak. Gedurende die dag werk sy in tegnologie vir ‘n VoIP-maatskappy, en sy is die hoof interne instrukteur en tegniese leier vir haar departement. Haar dag-tot-dag werk sluit die skryf en opdatering van dokumentasie in, om ‘n hulpbron te wees vir kollegas in haar departement en verwante departemente, die beantwoording van vrae (via chat en e-pos), en die opleiding van nuwe werknemers. Sy is bekend by haar maatskappy as iemand wie departemente help om saam te werk, kommunikasie tussen departemente fasiliteer, die persoon te wees wie dinge weet, en oor die algemeen dink inligtingsilo’s is ‘n ondiens vir almal. Sy sal jou graag oplei in enige taak waaroor jy meer wil weet – vra net!

Antonius Melisse (President) is ‘n persoon van Nederland wie sterk glo dat ‘n mens nooit moet ophou om nuwe dinge te leer nie. Hy het sertifisering verwerf, op universiteit en andersins, in Engelse taal en letterkunde, joernalistiek, twee metodes van sagtewaretoetsing (ISTQB en TMAP Next) en PHP-ontwikkeling. Op die oomblik werk hy as ‘n Symfony back-end ontwikkelaar. Wat vorige bestuurservaring betref, was hy ‘n raadslid van ‘n musiekteatergroep waarvan hy deel was (as ‘n bas sanger), en het ‘n bestuurspos gehad waar hy in beheer was van studente wat werk soek vir die somer. Hy is deur ‘n paar jarelange vriende wat hy gemaak het terwyl hy World of Warcraft gespeel het aan fandom voorgestel. Hulle het saam fik en oorspronklike stories op die forums vir hul gilde geskryf. Toe een van die vriende noem dat hulle al ‘n ruk lank vir die OTW (Organisasie vir Transformerende Werke) vertaal en daar ‘n opening in die Nederlandse taalspan was, het hy die geleentheid aangegryp en is sedert Februarie 2016 deel van die Vertalingskomitee. In die verlede het hy ook as ’n vrywilliger vir die Beleidsmisbruik-komitee gewerk. Tans doen hy kort-kort ‘n bietjie podfic, gewoonlik vir The Witcher, maar hy waardeer meeste fantasie en wetenskapsfiksie fandoms.

Rebecca Sentance is al ongeveer vyftien jaar in fandom en het haar begin gemaak op Quizilla waar sy tweedepersoon-fanfik gelees het in fandoms soos Yu-Gi-Oh!, Inuyasha, Yu Yu Hakusho en Dragonball Z. Haar eerste fanwerk ooit was ‘n Enid Blyton fanfiksie wat sy op vyfjarige ouderdom geskryf het – lank voordat sy ooit kon droom dat daar dalk hele gemeenskappe mense was wat hierdie werke aanlyn publiseer en lees. Sy het die AO3 in 2011 ontdek en het stadigaan begin leer oor die organisasie daaragter en sy vele ander projekte, wat daartoe gelei het dat sy in die fandomgeskiedenis en die akademie van fans gedelf het, en geleer het oor die noodsaaklike belang van die bewaring en verdediging van fanwerke van alle soorte. Terwyl sy gretig was om deel te wees van die OTW, het sy nie geslaag daarin om ‘n oop werwingsrondte te maak tot middel-2015 nie, kort na sy haar nagraadse studies voltooi het en ‘n pos vir AO3-dokumentasiepersoneel gesien het – die perfekte pasmaat vir iemand wat lief is vir als wat met woorde te doen het. Sy het toe later die weg gevind na die Transformerende Werke en Kultuur- en Fanlore-komitees, en bestee nou ‘n beduidende deel van haar tyd as deel van hierdie wonderlike gemeenskap van fans. Wanneer sy nie met die OTW besig is nie, lê sy laag in verskillende dele van Marvel fandom soos sy haar nuutste fik uitstel.

E. Anna Szegedi het fandom ontdek jare voordat sy eers geweet het wat die woord beteken. Sy het op agtjarige ouderdom haar eerste fanfic (vir Heroes of Might and Magic III) in potlood op drukkerpapier geskryf. Haar eerste waagstuk in aanlyn-fandom was op ‘n klein forum gewy aan Jonathan Stroud se Bartimaeus-trilogie, en dit was ook waar sy haar eerste multi-hoofstuk fanfiksie gepubliseer het. Die ontdekking van Engelse forums en fanwebwerwe het haar gemotiveer om Engels te leer, en haar liefde vir tale is aangevuur deur fanfiksie in Engels te lees (en skryf). Sy het in 2017 by die OTW (Organisasie vir Transformerende Werke) aangesluit as ‘n lid van die Vertalingskomitee. As ‘n ywerige gebruiker van Archive of Our Own – AO3 (Argief van Ons Eie), was Anna opgewonde om te help om die OTW se projekte meer toeganklik te maak vir diegene wat nie Engels praat nie. Sy het later ‘n vrywilligerbestuurder vir die komitee geword en gewerk om Vertaling-vrywilligers in hul take op te lei en te ondersteun. Anna het ‘n Baccalaureusgraad in Engelse en Amerikaanse Filologie en ‘n Meestersgraad in Vertaling en Vertolking. Sy werk in die administrasie-afdeling van ‘n universiteit en is verantwoordelik vir die hantering van toelatings en daaglikse ondersteuning vir internasionale studente.

Alex Tischer (Sekretaris) werk as ‘n nood- en kritieke sorg-veearts, tans in die Verenigde Koninkryk. Alex is al van voor die millennium in fandom en het deur meer fandoms migreer as wat hier gelys kan word. Alex is al ‘n lid van die OTW sedert die organisasie se stigting en het net so lank as vrywilliger gedien. Afgesien van media-fandom het Alex ook op een of ander manier in die vreemde en wonderlike wêreld van sport beland – wat baie nisgroepe het wat op verrassende maniere soos fandoms lyk. Wanneer hulle nie met siek troeteldiere te doen het nie, kan Alex net so gereeld gevind word op fiksheidsbane, besig om te klim of op veldwedlope, as wat hulle besig is om media te verbruik.

Jess White is ‘n ywerige verbruiker van alle fandom dinge sedert sy in die vroeë ’90s haar tante se Kirk/Spock-fantydskrifte ontdek het. Daarna het sy haar eie fanfik in notaboeke met sprankelpenne geskryf en later inhoud op boodskapborde, individuele fandomforums, LiveJournal en uiteindelik AO3 geplaas. Jess is al die afgelope ses jaar ‘n vrywilliger by die OTW, hoofsaaklik op die Beleidsmisbruik-komitee. Sy het ook ‘n kort rukkie by die Ondersteuningkomitee gewerk (vir ongeveer twee jaar) en is tans ook ‘n vrywilliger by Fanlore as deel van die Beleids- en Administrasie-komitee personeel. Buiten fandom is Jess al vyftien jaar ‘n onderwyseres.

Kirsten Wright is ‘n lid van die OTW-kommunikasiespan. Kirsten het in 2014 aangesluit op aanbeveling van ‘n voormalige professor. Sy modereer tans die OTW Facebook-blad, sowel as die LiveJournal- en Dreamwidth-rekeninge. Sy het voorheen die OTW Twitter-rekening, sowel as die Fanlore Twitter- en Tumblr-rekeninge, gemodereer. Kirsten het as ‘n jong tiener georganiseerde fandom ontdek en het nooit teruggekyk nie. Op verskillende tye het fandom gedien as onderwyseres en vriendin, en dit is hoe sy uiteindelik haar loopbaan in politieke veldtogte in die Verenigde State ontdek het. Sy spring rond tussen fandoms, maar het die meeste fik vir The Social Network geskryf. Haar gunsteling genre van fik is die oor alledaagse dinge. Sy het beslis al meer as een 200 000-woord fanfik na middernag tydens ‘n werksweek begin lees.

Nie-Direkteur beamptes

Yuechiang Luo (Tesourier)

Rustende Direkteure.

Lees meer oor ons huidige komitees hier.