Ano ang posisyon ng OTW ukol sa pinagkaiba ng pamamalahiyo sa fanfiction?

Mayroong pagkakaiba ang pamamalahiyo (ang walang paalam na paggamit ng mga salita ng ibang tao habang inaangkin ito bilang sariling gawa), ang fan fiction (ang malinaw o kumikilalang paghiram ng mga elemento mula sa orihinal kwento upang makasulat ang may-akda ng fan fiction ng sarili niyang kuwento), at ang sipi (ang malinaw o kumikilalang paghiram ng ilang bahagi ng eksaktong salita ng ibang manunulat).

Para sa amin, ang ibig sabihin ng “malinaw” ay, kahit walang ilagay na pagtatatuwa ang
tagahangang manunulat sa kanyang kuwento, maiintindihan pa rin ng mga mambabasa na hindi niya nilikha si Wonder Woman o si Voldemort, o ang linyang “Use the Force, Luke.”

Mapanloko ang pamamalahiyo at pinipigilan nito ang karapat-dapat na pagtamo ng karangalan ng orihinal na awtor sa kanyang katha. Ang mga fan fiction at sipi ay mahahalagang halimbawa ng mainam o tamang paggamit, kung saan kinikilala ang orihinal na awtor at ang kanyang katha. Ang OTW (Organisasyon para sa Ibahing Katha) ay hindi sumusuporta sa pamamalahiyo. Ang aming sinusuportahan ay fan fiction at sipi.

Comments are closed.