Ano ang layunin sa likod ng Transformative Works and Cultures (Ibahing Katha at Kultura)?

Layunin ng Transformative Works and Cultures – TWC (Ibahing Katha at Kultura) na magbigay ng lugar para sa pang-akademikong pagsusuri ng mga indibiduwal na ibahing katha at ng mas malaking kultura ng fandom kung saan nagmumula ang mga ito, na siyang nagpapatunay ng panlipunang, pang-edukasyong, at pang-istetikong kahalagahan ng mga fandom at fannish na mga katha.

Tinutulungan ng TWC ang mga tagahangang interesadong makipag-ugnayan sa fandom sa paraang mas teoretikal at pang-akademiko, upang mas malawak nilang maibahagi ang kanilang karunungan, pagbutihin ang usapan sa pagitan ng mga tagahanga at akademya, at magbigay ng panteoryang karanasan para sa misyon ng OTW (Organisasyon para sa Ibahing Katha) na ipaliwanag at panatilihin ang fandom at mga ibahing katha. Ipapaliwanag din ng pahayagan ang konteksto ng mga piling katha upang maitatag ang mga hangang-katha bilang isang malikhaing sining.