Ang Archive of Our Own – AO3 (Ating Sariling Sisidlan) ay naging open beta noong Nobyembre 2009. Para gumawa ng account, kailangan mo ng paanyaya. Kami ay gumagamit ng sistema ng mga bilyete ng paanyaya upang lumaki ang AO3 sa isang kontroladong paraan. Kailangang unti-unting magdagdag ng mga bagong tagagamit upang hindi lumobo ang dami ng ating mga account nang higit sa kakayahan ng aming hardware, bandwidth, tulong at suporta. Nakatutulong ito sa amin na tiyaking lahat ng gumagamit ng AO3 ay makakukuha ng pinakamaginhawang karanasan. Kapag natanggap mo na ang email ng paanyaya, magtungo sa kawing na nakasulat sa email upang makapunta sa pahina upang lumikha ng account. Kung ikaw ay binigyan ng kawang ng paanyaya isang dati nang tagagamit, mapupuntahan mo ang tamang pahina sa pagsunod sa kawing na iyon.

Ang Fanlore ay isang wiki — isang website na maraming mga may-akda — kung saan maaaring mag-ambag ang kahit sinong tagahanga. Ang aming kasalukuyang layunin ay itala ang makasaysayan at kasalukuyang kalagayan ng mga komunidad ng mga tagahanga — mga hangang-katha, hangang-aktibidad, terminolohiya ng mga tagahanga, indibiduwal na tagahanga, at mga pangyayaring fannish. Para sa karagdagang impormasyon, maanong tumungo sa website ng Fanlore at sa Fanlore FAQ (mga palagiang katanungan).

Lahat ng mga tagahanga at interesadong tao ay inaanyayahang mag-ambag sa Fanlore sa pamamagitan ng paggawa ng mga artikulo o pagdaragdag ng impormasyon sa mga pahinang naroroon na. Alinmang pag-aambag na gagawin mo para sa pangangalaga ng kasaysayang fannish ay katanggap-tanggap.

Hindi. Ang Fanlore ay mayroong patakaran ukol sa pagkakalinga ng mga pagkakakilanlan na sinisiguradong magkahiwalay ang mga sagisag-panulat na kaugnay sa kanilang pagiging tagahanga mula sa kanilang mga tunay na pangalan, kung gugustuhin nila. Dagdag pa rito, ang OTW (Organisasyon para sa Ibahing Katha) ay nakatuon sa pangangalaga sa pagkapribado ng mga tagahanga, sila man ay tagagamit ng aming mga serbisyo o hindi. Kung ang isang pagbabago ay ginawa sa wiki na inuugnay ang iyong pagkakakilanlan sa tunay na buhay sa iyong fannish na pagkakakilanlan ng walang iyong pahintulot, maanong makipag-ugnayan sa Fanlore at makikipagtulungan sa iyong resolbahin ang isyung ito.

Pandaigdigan ang fandom, at tumatanggap kami ng mga ambag mula sa mga tagahanga mula sa iba’t ibang panig ng mundo. At sa panahong ito, ang Fanlore ay isang rekursong nasa wikang Ingles, bagama’t ang mga tagapatnugot ay sadyang inaanyayahang itala ang mga fandom, hangang-katha at mga komunidad na fannish na maaaring orihinal na naganap sa mga wikang hindi Ingles. Kung nais mo ng payo o tulong sa aspeto ng pagtatala ng mga fandom na hindi wikang Ingles, o kung intereesado ka sa pakikipagtulungan sa Fanlore na mapabuti ang internasyunal na saklaw ng wiki, maanong makipag-ugnayan sa amin.

Inkorporada ang OTW (Organisasyon para sa Ibahing Katha) sa estado ng Delaware sa Estados Unidos.

Gumagamit ang OTW (Organisasyon para sa Ibahing Katha) ng pananalapi upang bumili ng mga kasangkapan at serbisyong hindi maaaring ibigay ng mga boluntaryo nito, tulad ng mga gastos sa pagpapatakbo at ibang mga gastos sa pangangasiwa. Kasama sa mga gastos sa pagpapatakbo ang pamimili ng software at server space upang likhain at panatilihin ang sinupan. Kasama sa gugol sa pangangasiwa ang iba’t ibang bagay na karaniwan sa isang organisasyong di-pangkalakal, tulad ng pagsisiguro, kabayaran sa pagpapalakad ng kabayaran, at buwanang singil sa account sa bangko. Habang lumalaki ang organisasyon, may karagdagang pangangailangan sa pangangasiwa at pamamahalang piskal, kasama na ang serbisyo ng independyenteng kontraktor, tagahanda ng buwis, at tagasuri.

Ang Lupon ang may pananagutan para sa ganitong mga pagpapasya, bilang bahagi ng kanilang tungkulin bilang mga katiwala. May pananagutan ang ingat-yaman ng Lupon sa paglilikha at pagsasagawa ng badyet ng OTW. Ngunit, kailangang bumoto ang Lupon upang pagtibayin ang badyet, kasama na ang ibang mga gastusing hindi pinagplanuhan. Para sa mga gastusing maliliit, inilalaan ng Lupon ang pananagutan sa mga komite ng OTW upang pagpasyahan kung ano ang mga kinakailangang gamit at serbisyo.

Kayang tumanggap ang OTW (Organisasyon para sa Ibahing Katha) ng mga donasyon kahit saan man sa mundo sa pamamagitan ng online na pagbibigay o sa tsekeng kinokoreo sa aming kaha sa opisina ng koreo. Magtungo sa Suportahan ang OTW para sa karagdagang detalye.

Hindi ibinubunyag sa OTW ng ginagamit naming taga-proseso ng kabayaran ang mga detalye patungkol sa mga credit card o mga numero ng bank account. Sadyang nakalagay man sa mga personal na tsekeng tatanggapin namin sa koreo ang mga impormasyon ng account, hindi namin itinatala ang mga ito.

Layunin ng karapatang-ari na pangalagaan ang karapatan ng manlilikha na makinabang sa kanyang gawa sa loob ng nakatakdang panahon, upang hikayatin ang pagsisikap sa mga malikhaing proyekto at sa malawakang pagbabahagi ng kaalaman. Ngunit hindi ito humahadlang sa karapatan ng ibang tao na tumugon sa orihinal na katha, halimbawa, sa pamamagitan ng kritikal na komentaryo, parodya, o, sa aming paniniwala, sa pamamagitan ng mga ibahing katha.

Sa Estados Unidos, limitado ang karapatang-ari dahil sa doktrina ukol sa mainam o tamang paggamit. Iminungkahi ng ligal na kaso na Campbell v. Acuff-Rose
na bigyan ng espesyal na konsiderasyon ang ibahing paggamit pagdating sa pagsusuri ng mainam o tamang paggamit. Para sa mga interesadong magbasa ng mas malalim na ligal na pagsusuri, makikita ang karagdagang impormasyon sa pahina ng Ligal na Pagsusuri ng Fanlore.

Ang Open Doors ay isang proyekto ng OTW (Organisasyon ng Ibahing Katha) na nakatalaga para sa pangangalaga ng mga hangang-katha para sa hinaharap. Ang pagtatalaga ng ganitong klaseng proyekto ay para sa adhikaing maingatan at mapangalagaan ang mga fannish na proyekto na maaaring mawala o mapabayaan dahil sa kakulangan ng oras, gana, o rekurso sa parte ng kasalukuyang nangangalaga nito.

Mangyaring magtungo lamang sa website ng Open Doors para sa karagdagang impormasyon, kung saan matatagpuan rin ang kumpletong Kadalasang Katanungan (FAQ) para sa naturang proyekto.

Ang OTW (Organisasyong para sa Ibahing Katha) ay isang organisasyong di-pangkalakal na itinatag ng mga tagahanga para magsilbi sa interes ng mga tagahanga, sa pamamagitan ng pagbibigay ng akses at pangangalaga ng kasaysayan ng mga hangang-katha sa iba’t iba nitong anyo.

Ang OTW (Organisasyon para sa Ibahing Katha) ay itinatag para makapagpundar patungo sa kinabukasan kung saan lahat ng mga hangang-katha ay kinikilala bilang ligal at transpormatibo, at tinatanggap bilang isang lehitimong malikhaing gawain.

Ang aming misyon ay maging maagap at makabago sa pangangalaga at pagtatanggol ng aming gawain mula sa komersyal na pananamantala at ligal na hamon, at ingatan ang ekonomiyang paghanga, mga birtud, at paraan ng pamumuhay sa pamamagitan ng pagtatanggol at pangangalaga ng mga kapwa tagahanga, ang aming gawa, komentaryo, kasaysayan, at pagkakakilanlan, habang nagbibigay sa lahat ng mga tagahanga ng pinakamalawak na maaring akses sa gawaing fannish.

Ang Transformative Works and Cultures – TWC (Nagbabagong Katha at Kultura) ay nagbibigay ng lugar para sa pang-akademikong pagsusuri ng mga indibidwal na nagbabagong katha at ng mas malaking kultura ng fandom kung saan nagmula ang mga ito, na siyang nagpapatunay ng panlipunang, pang-edukasyong, at pang-istetikong kahalagahan ng mga fandom at fannish na mga katha.

Pinahahalagahan ng TWC ang pagtulong sa mga tagahangang nais makilahok sa fandom mula sa teoretikal at akademikong pananaw upang maibahagi ang kanilang pananaliksik sa mas malawak na madla. Pinahuhusay nito ang ugnayan sa pagitan ng mga tagahanga at ng akademya, at nagbibigay ng teoretikal na batayan para sa misyon ng OTW (Organisasyon para sa Nagbabagong Katha) na itaguyod ang pag-aaral hinggil sa hangang-katha at mga gawi ng fandom. Bukod sa paglilimbag ng mga pananaliksik tungkol sa nagbabagong katha at komunidad ng mga tagahanga, nagsisikap din ang TWC na ipaliwanag ang konteksto ng mga partikular na likha at itaguyod ang pagkilala sa fanworks bilang mga malikhaing anyo ng sining sa sarili nilang karapatan.

Ang Transformative Works and Cultures – TWC (Nagbabagong Katha at Kultura) ay inilalathala nang hindi bababa sa dalawang beses bawat taon—tuwing ika-15 ng Marso at ika-15 ng Setyembre. Sa ibang taon, naglalabas din ng espesyal na isyu tuwing ika-15 ng Hunyo.

Makikita ang mga detalyadong patnubay ukol sa pagsumite sa website ng Transformative Works and Cultures – TWC (Nagbabagong Katha at Kultura) (Sa Ingles).
Malugod naming tinatanggap ang inyong mga gawa hanggang sumusunod ang inyong kontribusyon sa pokus at saklaw ng TWC, pati na rin sa lahat ng nakasaad sa submission preparation checklist.

Inilalathala ng Transformative Works and Cultures – TWC (Nagbabagong Katha at Kultura) ang mga nasuring kasulatang pang-akademiko ukol sa kaibahan ng pakikitungo ng mga tagahanga sa iba’t ibang uri ng teksto, at ukol sa mga komunidad ng mga tagahanga; mga kasulatan ukol sa meta na sinuri ng mga tagapatnugot at personal na sanaysay; pagsusuri ng mga libro; at mga panayam.

Maaari ring malaman kung anong mga paksa ang kasalukuyang hinahanapan ng mga artikulo sa homepage ng TWC.

Simula sa Transformative Works and Cultures – TWC (Nagbabagong Katha at Kultura) Bilang 25, lisensyado ang mga sanaysay sa ilalim ng Creative Commons Attribution 4.0 International License. Para sa paliwanag kung bakit ito ang napiling lisensya, maaaring tingnan ang editoryal noong ika-15 ng Setyembre 2017, Copyright at Open Access (Sa Ingles).

Pinapayagan ng lisensyang ito ang di-pangkalakal at pangkalakal na paggamit nang may pagpapalagay. Dahil dito, hindi kinakailangang kumuha ng mga papeles sa paglabas ng karapatang-ari ang mga institusyon, tulad ng mga pahayagan, na nais iimprenta muli ng mga artikulo (kahit na para sa layuning pangkalakal).

Ang mga Bilang 1 hanggang 24 ng TWC ay lisensyado sa ilalim ng Creative Commons Attribution-Noncommercial 3.0 Unported License. Para sa mga isyung ito, ang TWC, hindi ang may-akda, ang may hawak ng karapatang-ari. Ang sinumang nais gumamit ng nilalaman para sa kita, kabilang ang mga may-akda, ay kailangang humingi ng pahintulot mula sa TWC, na karaniwang ibinibigay nang walang bayad.

Ang Transformative Works and Cultures – TWC (Nagbabagong Katha at Kultura) ay isang pangmaramihang-medya na pahayagan na maaaring maglaman ng mga screenshot, naka-embed na video, at mga hyperlink, kaya kinakailangang mailathala ito online. Hindi kayang tularan ng PDF ang interaktibong karanasan ng online na journal.
Bukod dito, layunin ng TWC na bawasan ang labis na pagpapahalaga ng akademya sa mga nailimbag na materyal. Kung magkakaroon ng opisyal na PDF, ang mga ito—sa halip na ang online na bersyon—ang ituturing na pangunahing sanggunian dahil sa pribilehiyong ibinibigay sa print sa larangan ng akademikong paglilimbag, kahit na ang PDF ay hindi nagbabago, pangalawang-antas na representasyon lamang ng isang interaktibong dokumento.
Gayunpaman, kinikilala ng TWC na maaaring nais ng mga tagahanga na gawing mas malawak ang akses sa journal sa pamamagitan ng paggawa ng mga PDF. Hinihikayat ng TWC ang ganitong uri ng nagbabagong gawa ng mga tagahanga—ito rin ang dahilan kung bakit ang journal ay nasa ilalim ng Creative Commons Attribution 4.0 International License. Hanggang ibinibigay ang mga URL ng orihinal na pinagmulan at walang sinisingil na bayad, pinahihintulutan ang ganitong gawain ayon sa lisensya.

Oo, maraming mga boluntaryo ng OTW (Organisasyon para sa Nagbabagong Katha) ang nag-aalay ng kanilang oras para sa higit sa isang tungkulin. Hinihiling lamang naming pag-isipan mo nang mabuti ang hinihinging oras sa bawat papel na nais mong gampanan at ang oras na maibibigay mo para sa organisasyon. Makakatulong man nang lubos ang pag-boluntaryo ng mga miyembro para sa maraming tungkulin, ngunit nais din naming siguraduhin na hindi ma-burn out ang aming mga kasamahan sa dami ng responsibilidad. May nakasaad na dami ng oras ng pagtatrabaho sa deskripsiyon ng bawat tungkulin. Marapat ding pag-usapan ng boluntaryo ang kanilang pagnanais na magdagdag ng mga tungkulin kasama ang puno ng kanyang komite.

Ang lahat ng mga boluntaryo ng OTW (Organisasyon para sa Nagbabagong Katha) ay nagtatrabaho online nang di-sabay-sabay, kaya hindi kinakailangang nasa isang espisipikong lugar ka upang makapag-boluntaryo. Basta ikaw ay may akses sa internet, ikaw ay nasa tamang lugar (at makakapag-trabaho ka kasama ang mga tao mula sa buong mundo).

Oo! Inaanyayahan namin ang lahat ng mga boluntaryo sa buong mundo. Marami kaming tagagamit, miyembro, at mga boluntaryo na hindi Ingles ang pangunahing wika. Marami sa aming mga komite at proyekto ang may mga boluntaryong nakakapagsalita nang higit sa isang wika.

Ingles ang pangunahing wika na aming ginagamit upang makipagtalastasan sa organisasyon, kaya kinakailangang marunong kang magtrabaho gamit ang Ingles, ngunit hindi naman hinihiling na ikaw ay lubos na bihasa rito! Kung ikaw ay may katanungan ukol pag-aplay sa mga bukas pang tungkulin, mangyaring ipagalam ito sa pangkat ng Boluntaryo at Pagrerekrut.

Ito ay nakasalalay sa uri ng tungkuling ikaw ay interesadong gawin. Pagkapindot mo ng “Submit,” may makikita kang karagdagang impormasyon sa kung ano ang sunod na gagawin. Matapos iyon, ikaw ay makakatanggap ng awtomatikong mensahe ng konpirmasyon.

Pagkatapos ng panahon ng pagrerekrut, ipapadala ng pangkat ng Mga Boluntaryo at Pagrerekrut ang lahat ng mga application form sa mga pinuno ng mga komite. Iinterbyuhin naman ng mga puno ang mga aplikante, sa paraan ng pag-chat o pagsagot ng mga karagdagang talatanungan, upang makahanap ng mga boluntaryo para sa kanilang mga kasalukuyang pangangailangan. Ipagbibigay-alam namin ang kalalabasan ng mga aplikasyon kapag ito ay handa na.

Nais naming tumanggap ng mga boluntaryong naghahanap ng mga bagong karanasan, ngunit ilan sa aming mga tungkulin ay nangangailangan ng mga boluntaryong may tiyak na kakayahan at karanasan. Ang pagtuturo sa mga baguhang boluntaryo ay nakasalalay din kung ilang mga dalubhasang boluntaryo ang maaaring magturo. Ipinapakita sa paglalarawan ng posisyon ang kinakailangang karanasan at isasaalang-alang na oras para sa posisyon.

Mangyaring mapagpatuloy na tignan ang pahina para sa pagboboluntaryo para sa mga bukas na posisyon na tumutugma sa iyong mga kakayahan.

Maaari ka ring tumulong sa pamamagitan ng paglalagay ng karagdagang impormasyon sa Fanlore, ang wiki ng OTW (Organisasyon para sa Nagbabagong Katha) para sa pagtataguyod ng mga fandom. (Magsimula sa Portal para sa mga Bagong Tagagamit.) Kung nais mong tumulong sa pag-code ng Archive of Our Own – AO3 (Aming Sariling Sisidlan), maaari itong gawin sa aming GitHub kahit hindi ka isang ganap na boluntaryo. Tignan ang pahinang itopara sa karagdagang detalye.

Kung ikaw ay may mga katanungan para sa mga kinakailangan sa isang posisyon, ipagbigay-alam ito sa pangkat ng Mga Boluntaryo at Pagrerekrut.

Sa kasalukuyan, kami ay tumatanggap lamang ng mga aplikasyon para sa mga nakalistang posisyon. Sa OTW (Organisasyon para sa Nagbabagong Katha), kasama sa aming proseso ang pagrerekrut para sa mga tungkuling tumatanggap ng mga bagong boluntaryo at handang magturo at panatilihin sila. Ngunit inaanyayahan ka naming subaybayan ang pahina para sa pagboboluntaryo at ang Balitang OTW sa pagbubukas ng tungkuling nais mong gawin.

Maaari ka ring tumulong sa pamamagitan ng paglalagay ng karagdagang impormasyon sa Fanlore, ang wiki ng OTW (Organisasyon para sa Nagbabagong Katha) para sa pagtataguyod ng mga fandom. (Magsimula sa Portal para sa mga Bagong Tagagamit.) Kung nais mong tumulong sa pag-code ng Archive of Our Own – AO3 (Aming Sariling Sisidlan), maaari itong gawin sa aming GitHub kahit hindi ka isang ganap na boluntaryo. Tignan ang pahinang itopara sa karagdagang detalye.

Kung ikaw ay may mga katanungan para sa mga kinakailangan sa isang posisyon, ipagbigay-alam ito sa pangkat ng Mga Boluntaryo at Pagrerekrut.

Inaanyayahan kang gumamit ng anumang pangalan kapag ikaw ay boluntaryo ng OTW (Organisasyon para sa Nagbabagong Katha) hanggang ito ay sumusunod sa a href=”https://www.transformativeworks.org/volunteer/otw-name-policy/”>Patakaran ng OTW sa mga Pangalan. Gusto ng ibang mga boluntaryo na kilalanin sila gamit ng kanilang pagkakakilanlan sa fandom, at gusto naman ng iba na gamitin ang kanilang tunay na pangalan, lalo na kung balak nilang ilagay ang kanilang serbisyo sa OTW sa kanilang resume o CV. (Hindi mo kailangang gamitin ang iyong tunay na pangalan para rito. Ang pangkat ng Mga Boluntaryo at Pagrerekrut ay maaaring kumpirmahin ang iyong serbisyo kung kakailanganin sa iyong trabaho.) Maaari mong gawin ang alinman sa dalawa o pumili ng panibagong pangalang gagamitin.

Kung nais mong maging boluntaryo ng Tag Wrangling ngunit hindi mo nais isama ang iyong trabaho ng pag-wrangle sa iyong kasalukuyang account sa Archive of Our Own – AO3 (Ating Sariling Sisidlan), maaari kang tulungan ng mga pinuno sa paglikha ng nakabukod na account. Ang pangalan ng iyong kasalukuyang account sa AO3 ay hindi kailangang tugma sa pangalan mo sa OTW, ngunit maaaring maiugnay ang dalawa habang patuloy kang nagboboluntaryo bilang Tag Wrangler.

Paalala: May mga gampanin na nangangailangan ng paggamit ng iyong tunay na pangalan dahil ang mga ito ay nakikipag-ugnay sa iba pang mga organisasyon. Ang pangangailangang ito ay laging nakasaad sa paglalarawan ng gampanin o sa aplikasyon.

Isa ring legal na pangangailangan ang paggamit ng tunay na pangalan para sa Lupon ng mga Tagapangasiwa. Kailangang tumakbo ang mga kandidato sa ilalim ng kani-kanilang tunay na pangalan. Subalit kailangan lamang nilang palitan ang kanilang pangalan sa OTW kapag sila ay naihalal na.

Oo, pwede mo pang palitan ang iyong pangalan at mga detalye pagkatapos mong mag-apply o habang ikaw ay nagboboluntaryo na. Kailangan lamang sumunod ng iyong bagong pangalan sa Patakaran ng OTW sa mga Pangalan..

Kung nakita mong hindi mo kayang gampanan ang iyong mga tungkulin bilang boluntaryo sa loob ng oras na inaasahan mula sa iyo, maaari kang humingi ng panandaliang paghinto (hiatus) mula sa mga puno ng iyong komite.

Kung nais mo namang tuluyang magretiro mula sa pagboboluntaryo, maaari mo rin itong gawin sa anumang panahon.

Oo! Ang mga terminong nakasulat sa paglalarawan ng tungkulin ay ang pinakamababang kinakailangan. Marami sa mga boluntaryo ng OTW (Organisasyon para sa Nagbabagong Katha) ay kasama namin mahigit sa isang dekada!

Pwede kang mag-apply gamit ang anumang e-mail na iyong ginagamit. Tandaan lamang na makikita ito ng ilan sa aming mga boluntaryong inaayos ang iyong aplikasyon. Kung ayaw mong iugnay ang iyong pagkakakilanlan sa iyong fandom sa iyong tunay na pangalan, huwag mong gamitin ang iyong mga e-mail pang-propesyunal, pang-trabaho, at pang-paaralan.

I-whitelist ang mga e-mail galing sa *@transformativeworks.org upang makatanggap ka ng mga mensahe mula sa aming mga boluntaryo.

Ang lahat ng mga aplikasyon ay dapat makatanggap ng awtomatikong tugon na naglalaman ng mga susunod na hakbang sa proseso. Upang makatanggap ng mga e-mail, siguraduhin na i-whitelist ang *@transformativeworks.org.

Kung hindi ka pa rin nakakatanggap ng awtomatikong pag-sagot sa loob ng 48 oras, tignan ang iyong mga spam filter at makipag-ugnayan sa pangkat ng Boluntaryo at Pagrerekrut. Ipagbigay-alam sa amin ang iyong pinasukang tungkulin at ang pangalang iyong ginamit sa iyong aplikasyon.

Kung ikaw ay nakatanggap na ng awtomatikong sagot at naghihintay na lamang na makarinig muli mula sa amin, tandaan na kadalasang nakakatanggap ang mga boluntaryong aplikante ng tugon sa loob ng 2–4 linggo pagkasarado ng pagtatanggap ng aplikasyon. Kung lagpas na sa panahong ito, mangyaring makipag-ugnayan sa pangkat ng Boluntaryo at Pagrerekrut. Ipagbigay-alam sa amin ang iyong pinasukang tungkulin at ang pangalan na iyong ginamit sa iyong aplikasyon upang makahingi ng update.

Kailangan mo ng malakas na koneksyon sa Internet dahil gumagamit ng web-based software at e-mail sa OTW (Organisasyon para sa Nagbabagong Katha). Para maproteksyunan ang iyong data, kailangan gamitin ng lahat ng mga boluntaryo ang e-mail service provider ng OTW. Kinakailangan din sa ilang mga tungkulin ang paggamit ng iba’t ibang website o software. Ito naman ay walang bayad o kung mayroon man, babayaran ng OTW.

Tumatanggap lamang kami ng mga boluntaryong 18 taong gulang pataas.

Hindi, hindi binabayaran ang mga boluntaryo ng OTW (Organisasyon para sa Nagbabagong Katha).

Hindi rin inaasahan ng OTW na magbayad ang mga boluntaryo ng anumang gastusin habang nagtatrabaho bilang boluntaryo ng organisasyon. Magbabayad ang OTW ng akses sa mga kagamitan at software na kinakailangan upang makagawa ng trabaho para sa organisasyon. Kami rin ay mag-re-reimburse ng mga inaprubahan at kinakailangang gastusin.

Ang ilan sa mga tungkulin sa OTW (Organisasyon para sa Nagbabagong Katha) ay gumagamit ng mga kagamitang hindi laging gumagana sa mga teknolohiyang pantulong. Karamihan sa aming mga gawain ay nakabase sa teksto, at ilan naman ay mabilisan at kinakailangan ng agarang pakikipagtalastasang nakasulat gamit ang chat.

Kung mayroon kang anumang katanungan sa mga kagamitang kailangan sa mga tungkulin, mangyaring makipag-ugnayan sa amin at gagawin namin ang aming makakaya upang makatulong.

Makipag-ugnayan sa pangkat ng Boluntaryo at Pagrerekrut sa pamamagitan ng contact form at malugod namin itong sasagutin.