Posts in Event

Kampanya para sa Oktubre 2021: Maraming Salamat sa Iyong Suporta

Tapos na ang Kampanya sa Pagiging Kaanib ng OTW (Organisasyon para sa Nagbabagong Katha) para sa Oktubre, at nasisiyahan kaming sabihin na nakalikom kami ng isang nakakagulat na kabuuang halaga na umaabot sa US$195,009.65, higit nitong nalampasan ang aming inaasahang kabuuan na US$40,000. Tumaas din ang bilang ng ang aming mga miyembro sa 4,786. Naging posible ang mga ito dahil sa kabutihang-loob ng 6,700 na tao na nagkaloob ng donasyon mula sa 77 na bansa sa buong mundo. Patuloy kaming lubos na nagpapasalamat sa aming pandaigdigang komunidad. Maraming salamat! Ang inyong suporta ang nagpapahintulot sa aming patuloy na pagseserbisyo sa aming layunin: upang mas mapalawak… Read more

Kampanya para sa Oktubre 2021: Mula sa mga Tagahanga, Para sa mga Tagahanga

Isang produkto ng pagmamahal ang OTW (Organisasyon para sa Nagbabagong Katha). Nilikha ito ng mga tagahanga, para sa mga tagahanga. Isa kaming di-pangkalakal na organisasyon, at 100% kaming umaasa sa mga donasyon: ang donasyon ng oras mula sa aming mga boluntaryo, at ang donasyon ng pananalapi mula sa mga komunidad na aming pinagsisilbihan. Ngayon ang simula ng aming tuwing-anim na buwan na kampanya sa pagiging kaanib, kung kailan hinihiling namin sa mga taong may kaya na isaalang-alang na gumawa ng pinansyal na kontribusyon upang suportahan ang aming gawain. Maaari mong basahin kung paano namin ginagastos ang aming salapi sa aming badyet.

Kampanya Ngayong Abril 2021: Pagbibigay-Pugay sa Iyo

Itinatag ang OTW (Organisasyon para sa Ibahing Katha) ng mga tagahanganga para sa mga tagahanga noong 2007, na may layuning pagsilbihan ang fandom sa pamamagitan ng pagpapanatili at paghihikayat sa mga tagahanga sa paglikha ng mga ibahing katha. Makalipas ang labing-apat na taon, nananatili kaming tapat sa aming pangako. Sa pamamagitan man ng ligal na adbokasiya laban sa mga hindi makatarungang batas na hindi pumapabor sa mga tagahanga saan mang panig ng mundo, pagliligtas ng mga nanganganib na hangang-katha, pagtatala ng kasaysayan ng mga tagahanga, pagbibigay ng espasyo para sa mga pang-iskolar na pag-aaral ng mga tagahanga, o pangangalaga ng iyong mga luma at bagong… Read more

Maraming salamat sa iyong suporta

Tapos na ang kampanya sa pagiging kasapi ng OTW (Organisasyon para sa Ibahing Katha) ngayong Abril, at lubos kaming nagpapasalamat sa iyong pagiging bukas-palad. Sa pamamagitan ng iyong tulong, nakalikom kami ng kabuuang halaga na umabot sa US$458,501.00 na ipinagkaloob ng 14905 katao mula sa 96 bansa, mahigit pa sa inaasahan naming donasyon na US$130,000! Taos-puso ang aming pasasalamat, at higit kaming nananatiling tapat sa komunidad na ito na sama-sama nating itinataguyod bawat araw. Hindi sapat ang aming pasasalamat sa iyong pagtulong sa aming misyon, at sa pagtitiyak na patuloy pang lalago ang aming mga proyekto sa hinaharap.

Pagtuklas ng Komunidad sa Gitna ng Pagbubukod

Isang samahang di-pangkalakalan ang OTW (Organisasyon para sa Ibahing Katha) na pinapatakbo ng mga boluntaryo mula sa iba’t ibang panig ng mundo. Napupunta ang lahat ng aming nalilikom sa pagsuporta ng aming mga proyekto. Ngunit hindi namin ito magagawa nang mag-isa. Kung kaya’t ngayon, tulad ng aming ginagawa tuwing Abril, muli naming ilulunsad ang aming membership drive na ginaganap dalawang beses sa isang taon, at hinihingi namin ang aming mga tagagamit na magbigay ng donasyon upang suportahan ang aming mga gawain.