Mga Komento sa Patakaran at Mga Liham

Oktubre 2022 na Maikling Dokumento sa Hunley laban sa Instagram

Ang OTW Legal, kasama ang EFF, ay naghain ng maikling dokumento sa Korte Suprema ng U.S. sa kaso ng Warhol laban sa Goldsmith, na magbigay ng katuwiran na ang isang malawak at maangkop na pagsubok sa makatarungang paggamit ay napakahalaga, at humihikayat sa Korte Suprema na muling patunayan ang mga naunang desisyon nito na ang isang transpormatibong paggamit ay yaong may iba’t ibang kahulugan, mensahe, o layunin mula sa karapatang-sipi gawa na ginagamit nito. Ginamit namin ang mga fanvid bilang mga halimbawa kung kailan maaaring kailanganin na isaalang-alang ang nilalayon na madla ng isang gawa upang masuri ang transpormatibo ng paggamit. Hinikayat din namin ang korte na ilagay ang pasanin ng pagpapatunay ng ‘pinsala sa merkado’ sa mga demandante kapag ang paggamit ay transpormatibo o hindi pangkomersyo.

Tugon noong Mayo 2022 sa pagtatanong ng Opisina ng Karapatang-ari ng U.S.

Noong Abril 26, 2021, ang OTW (Translation) Legal ay sumama sa mga kakampi upang magsumite ng mga komento sa Opisina ng Karapatang-ari ng U.S. bilang tugon sa Abiso ng Pagtatanong ng Opisina ng Karapatang-ari tungkol sa pagpapatupad ng CASE Act. Ang CASE Act ay lumikha ng isang hukuman na tinatawag na ‘Copyright Claims Board’ (CCB) sa loob ng Opisina ng Karapatang-ari para sa pamamahala ng mga ‘maliliit na paghahabol’ sa karapatang-ari, at binigyan ang Opisina ng Karapatang-ari ng kapangyarihang magpasya tungkol sa maraming aspeto ng CCB at ng pagpapatakbo nito. Ang aming pagsusumite ay nagbigay ng mga tiyak na rekomendasyon tungkol sa kung paano dapat limitahan ng Opisina ng Karapatang-ari ang saklaw ng kapangyarihan ng CCB, kung paano dapat gawing malinaw at madali para sa mga tao na mag-opt out sa pakikilahok sa mga proseso ng CCB, at kung paano dapat maging walang kinikilingan sa mga komunikasyon tungkol sa CCB.

Pahayag ng OTW noong Disyembre 2020 tungkol sa Reporma ng Digital Millennium Copyright Act (DMCA)

Noong Disyembre 2020, ang OTW Legal ay nagpadala ng tugon sa kahilingan ng Senado ng U.S. para sa mga komento tungkol sa mga partikular na katanungan na may kaugnayan sa Digital Millennium Copyright Act.

Mga Komento noong Hunyo 2020 sa Senado ng U.S. tungkol sa: Digital Millennium Copyright Act

Noong Hunyo 2020, ang OTW Legal ay nagsumite ng mga komento sa Senado ng U.S. kaugnay ng patuloy na pagtatasa ng Senado sa Seksyon 512 ng Digital Millennium Copyright Act. Tumugon ang OTW sa isang ulat ng Opisina ng Karapatang-ari ng U.S.; hinikayat ang Senado na isaalang-alang ang mga pangangailangan ng mga gumagamit ng internet, mga nagsasariling tagalikha, at mga maliliit na tagapagbigay ng serbisyo; at nagpresenta ng empirikal na datos tungkol sa bisa ng Seksyon 512 para sa mga transpormatibong tagalikha.

Salaysay noong Pebrero 2020 sa Senado ng U.S. tungkol sa: Digital Millennium Copyright Act

Ang miyembro ng legal na koponan na si Rebecca Tushnet ay nagbigay ng salaysay sa harap ng Komite ng Hudikatura ng Senado ng U.S. tungkol sa Digital Millennium Copyright Act. Ang kanyang salaysay ay nakatuon sa kung paano gumagana ang mga probisyon ng ligtas na daungan ng DMCA para sa maliliit na organisasyon tulad ng OTW, kung paano nila inaabante ang malikhaing pagpapahayag sa pamamagitan ng paggawa ng mga site tulad ng Archive of Our Own (Ating Sariling Sisidlan) – AO3 (Translation) na posible, at kung paano nila ibinibigay ang legal na kakayahang umangkop na kinakailangan para mabuhay ang isang magkakaibang Internet. Ang kanyang salaysay ay tumugon din sa kabiguan ng mga probisyon laban sa pag-iwas ng DMCA at anggawaing ginawa ng OTW sa paglikha ng pagbubukodna nagpoprotekta sa mga vidder at mga katulad na tagalikha mula sa labis na kapangyarihan ng mga probisyong iyon.

Liham ng Koalisyon noong Hulyo 2019 sa Senado ng U.S. tungkol sa: CASE Act

Ang OTW ay sumama sa mga kakampi upang salungatin ang CASE Act, na lilikha ng isang hukuman ng maliliit na paghahabol sa karapatang-ari na maaaring magpataw ng mga parusa ng hanggang $30,000 sa mga tinutukoy na lumalabag ng walang nararapat na proseso.

Mga Komento noong Abril 2019 sa Parlamento ng New Zealand bilang bahagi ng regular na pagsusuri ng New Zealand sa kanyang Batas sa Karapatang-ari

Noong Abril 2019, ang OTW Legal ay naghain ng komento bilang tugon sa panawagan ng New Zealand para sa mga komento bilang bahagi ng pagsusuri ng bansa sa kanyang Batas sa Karapatang-ari. Umasa ang OTW sa mga makapangyarihang testimonya mula sa mga tagahanga ng New Zealand upang ipakita ang maraming panlipunan at pangkulturang halaga ng mga batas na nagpapahintulot at nagtataguyod ng paglikha ng mga transformatibong gawa, at magbigay katuwiran na dapat panatilihin at palawakin ng New Zealand ang mga patakaran ng makatarungang pakikitungo upang isulong ang mga patakarang iyon.

Mga Komento noong Marso 2019 sa Opisina ng Karapatang-ari ng U.S. tungkol sa Music Modernization Act

Noong Marso 2019, ang OTW Legal ay tumugon sa isang Abiso ng Iminungkahing Pagtatakda ng Panuntunan ng Opisina ng Karapatang-ari ng U.S. tungkol sa kahulugan ng ‘hindi pangkomersyo’ na paggamit ayon sa kahulugan ng kamakailan lamang na ipinasang Music Modernization Act (‘MMA’). Nagbigay ng katuwiran ang OTW, bukod sa iba pang mga bagay, na ang kahulugan ng komersyal na paggamit para sa mga layunin ng MMA ay dapat nakatuon sa partikular na paggamit kaysa sa gumagamit, dapat suriin ang komersyalidad batay sa paghahanap ng kita ng gumagamit kaysa sa mga platform o web host na kanilang ginagamit, at dapat gumawa ng pagkakaiba sa pagitan ng komersyalidad at hindi komersyal na ‘benepisyo’.

Mga Komento noong Hunyo 2018 sa Parlamento ng Canada bilang bahagi ng regular na pagsusuri ng Canada sa kanyang Batas sa Karapatang-ari

Noong Hunyo 2018, ang OTW Legal ay nagsumite ng mga komento sa Parlamento ng Canada bilang bahagi ng regular na pagsusuri ng Canada sa kanyang Batas sa Karapatang-ari. Umasa ang OTW sa mga kuwento mula sa mga tagahanga ng Canada upang magbigay katuwiran na ang mga pagbubukod ng Makatarungang Pakikitungo at Nilalaman na Nilikha ng Gumagamit ng Canada ay epektibo at kapaki-pakinabang sa lipunan.
Mga Komento noong Hunyo 2017 sa U.S. Trade Representative (Kinatawan ng Kalakalan ng Estados Unidos) patungkol sa North American Free Trade Agreement (Kasunduan ukol sa Malayang Kalakalan sa Hilagang Amerika)

Sa pagsisimula ng U.S. Trade Representative (USTR, Kinatawan ng Kalakalan ng Estados Unidos) sa proseso ng muling pakikipag-negosasyon ng North American Free Trade Agreement (NAFTA, Kasunduan ukol sa Malayang Kalakalan sa Hilagang Amerika), isinulong ng OTW Batasan ang bukas at tapat na proseso ng pakikipag-negosasyon at binigyang-diin ang kahalagahan ng pagsama ng mga eksepsyon at limitasyon tulad ng tamang paggamit sa alinmang sugnay hinggil sa proteksyon ng pagmamay-aring intelektwal.

Mga Komento noong Marso 2017 sa Opisina ng Karapatang-ari Patungkol sa Moral na Karapatan na Atribusyon at Dangal

  • Tugon sa mga komento mula sa OTW (PDF)

    • Noong ika-30 ng Marso 2017, isinumite ng OTW Batasan ang tugon sa hiling ng Opisina ng Karapatang-ari ng Estados Unidos na magbigay ng mga komento kung dapat bang magpatibay ang Estados Unidos ng karagdagang mga batas na nag-uutos na kilalanin ang mga may-akda kakabit sa kanilang mga nilikha (kilala sa tawag na karapatan sa “atribusyon”) at hinihingi ang pahintulot ng mga may-akda na gumawa ng mga pagbabago sa mga kathang may karapatang-ari (kilala bilang karapatan sa “dangal”). Sa kabuuan, ang mga ito ay kilala bilang mga “moral na karapatan.” Ikinatwiran ng OTW na ang karapatan sa dangal ay makapipinsala sa malayang pagpapahayag, at bagama’t sa pangkalahatan ay kapaki-pakinabang ang pagbibigay-atribusyon at pangkaraniwang nangyayari sa mga komunidad ng mga tagahanga, hindi ito dapat bigyan ng puwersa ng batas. Sa halip, ang karapatan sa atribusyon ay mabisang naipagtatanggol ng batas sa kontrata, at ang karagdagang karapatang ligal ay hindi aangkop sa mga pangkaraniwang uri ng likhaing inipon at magkakasunod, at ang malawak na pagkakaiba ng mga pamantayan ng atribusyon sa magkakaibang komunidad (halimbawa, sa fandom, akademya, paggawa ng pelikula, at pag-aanunsyo) ay nagpapakita na bawat indibidwal na komunidad ay dapat payagan na magpasya kailan at paano mainam na tuparin ang atribusyon.

    Mga Karagdagang Komento noong Pebrero 2017 sa Opisina ng Karapatang-ari Patungkol sa DMCA Seksyon 512

    Bilang kasunod na komento sa aming komento noong Marso 2016, sumagot ang OTW Batasan ng mga katanungan mula sa Opisina ng Karapatang-ari tungkol sa mga probisyong notice-and-takedown (abiso at pagtanggal) sa Seksyon 512 ng U.S. Digital Millennium Copyright Act. Bukod sa ibang mga bagay, humugot ang OTW mula sa karanasan nito sa pagpapatakbo ng Archive of Our Own (Ating Sariling Sisidlan) at mula sa mga karanasan ng mga miyembro nito sa pagtrato nila sa mga takedown notice (abiso ng pagtanggal) upang bigyang-pansin ang mga paraan kung saan gumagana ng maayos ang kasalukyang sistema at mga paraan kung saan maaari pa itong mapabuti.

    Mga Komento noong Oktubre 2016 sa Singapore

    Noong ika-23 ng Oktubre 2016, isinumite ng OTW Batasan ang mga komento nito sa pamahalaan ng Singapore bilang tugon sa Pampublikong Konsultasyon sa mga iminungkahing pagbabago sa rehimen ng karapatang-ari sa Singapore. Binigyang-diin namin ang benepisyo ng balanseng rehimen ng karapatang-ari na may masiglang doktrina ng tamang paggamit na pinapayagan ang paglikha ng di-komersyal at ibahing likha na hindi kailangan ng pahintulot, at iminumungkahi ang posibilidad ng isang “user generated content” na eksemsyon sa proteksyon ng karapatang-ari upang mapalawak ang tamang paggamit. Humugot kami mula sa aming karanasan sa pagkuha ng eksemsyon sa pag-vid mula sa mga probisyong “anti-circumvention” ng DMCA upang talakayin ang mga panukala ng Singapore patungkol sa “technical protection measures” para sa mga likhang protektado ng karapatang-ari. Hinimok din namin ang Singapore na magpatibay ng mga payak at parehong panuntunan tungkol sa tagal ng proteksyon ng mga karapatag-ari, tinalakay ang benepisyong hatid at mga sagabal sa pagbibigay-karapatan sa mga may-katha ng karapatan sa atribusyon, at tinalakay ang mga mungkahing kaugnay sa mga kathang naulila kung saan ang mga nagmamay-ari ng karapatang-ari ay hindi madaling makilala.

    Mga Komento noong Hunyo 2016 sa U.S. Opisina ng Karapatang-ari

    Noong ika-24 ng Hunyo, 2016, kasama ang EFF at si Propesor Eric Goldman, isinumite ng OTW ang mga komento sa U.S. Opisina ng Karapatang-ari bilang tugon sa Notice of Proposed Rulemaking na siyang mag-aatas sa mga site na umaasa sa DMCA safe harbor–katulad ng Ating Sariling Sisidlan–na ulitin ang kanilang pagpaparehistro bawat tatlong taon. Ikinatwiran namin na ang panibagong atas na ito ay makakasakit sa mga maliit na mga tagahatid-serbisyo at maglalantad sa kanila sa mga panganib ng maliliit na pagkaligtana.

    Mga Komento noong Hunyo 2016 sa European Commission

    Mga Komento noong Abril 2016 sa European Commission

    Ipinaliwanag ng OTW na bagaman ang mga sistemang notice-and-takedown ay dinisenyo upang gawing mas mabilis at mas mura ang pagpapatupad ng intelektwal na pagmamay-ari, “mahalaga na ang mga pagtitipid na ito ay hindi kapalit ng paghadlang sa di-mapaglabag na pakikipagtalastasan.” Inusig din ng OTW ang Commission upang kilalanin na may makabuluhang pagbabago at pagkamalikhaing nagbubunga mula sa mga sektor na di-komersyal, at na huwag gumawa ng mga alituntuning ang mga malalaking negosyo lamang ang makasusunod.

    Mga Komento noong Marso 2016 sa U.S. Opisina ng Karapatang-ari Patungkol sa DMCA Seksyon 512

    Bilang tugon sa hiling ng U.S. Opisina ng Karapatang-ari, nagbigay ng komento ang OTW Batasan sa mga probisyong notice-and-takedown sa Seksyon 512 ng U.S. Digital Millennium Copyright Act. Ipinaliwanag ng OTW na hindi perpekto ang batas, ngunit naglalaman ito ng mahalagang balangkas na hinahayaang lumago ang pagkamalikhain online. Pinaalalahanan nito ang Opisina ng Karapatang-ari na ang mga entidad na nakasalalay sa DMCA, katulad ng Ating Sariling Sisidlan ng OTW, ay pangkaraniwang maliliit lamang at nagsasagawa ng manu-manong pagsusuri ng mga takedown notice, at karaniwang walang kakayahan na magbantay ng mapaglabag na nilalamang ibinigay ng mga tagagamit. Binigyang-diin din ng OTW ang kahalagahan ng mga mekanismo para hadlangan at parusahan ang mga maling takedown notice, at kinilala ang mga pagkukulang ng kasalukuyang sistema ng counter-notification upang protektahan ang mga tagagamit na nakikibahagi sa tamang paggamit at malayang pakikipagtalastasan.

    Komento sa US Opisina ng Karapatang-ari

    Bilang tugon sa mga hiling para sa komento ng U.S. Opisina ng Karapatang-ari, ikinatwiran ng OTW Batasan na ang seksyon 1201 ng Digital Millennium Copyright Act ay napakalawak at ipinahihinto ng hindi kinakailangan ang mahalagang paglikha at pagbabago sa pamamagitan ng pagpipigil sa mga taong iwasan ang mga proteksyong teknolohikal sa mga materyal na may karapatang-ari kahit para sa mga paggamit na maituturing na hindi mapaglabag katulad ng tamang paggamit. Ikinatwiran din namin na ang triennal rulemaking procedure, kung saan kami matagumpay na nakakamit ng eksemsyon para sa mga taga-vid, ay masyadong mabigat at nagmungkahi ng mga konkretong mungkahi para mapahusay ito.

    Komento sa European Commission

    Noong Disyembre 2015, nagsumite ang OTW Batasan ng komento bilang tugon sa hiling ng European Commission para sa mga komento hinggil sa mga online na platporma, online na tagapamagitan, at cloud computing. Ang mga komento ng OTW ay nagbigay-diin sa mga panganib ng pangangasiwa ayon sa maling akala na lahat ng platapormang online at tagapamagitan ay mga komersyal na entidad katulad ng Google at eBay.

    Mga Komento sa U.S. Intellectual Property Enforcement Coordinator (Taga-ayos ng Pagpapatupad ng Intelektwal na Ari-arian)

    Noong ika-16 ng Oktubre, 2015, ang OTW, kasama ng kapanalig nitong Public Knowledge, ay nagsumite ng mga komento sa U.S. Intellectual Property Enforcement Coordinator (Taga-ayos ng Pagpapatupad ng Intelektuwal na Pagmamay-ari) ng Office of Management and Budget (Opisina ng Pamamahala at Badyet) bilang tugon sa hiling ng opisinang iyon para sa mga komento sa plano nito ukol sa pagpapatupad ng intelektwal na ari-arian. Ang mga komento ay gumawa ng tiyak na rekomendasyon at nagbigay-diin sa kahalagahan ng pagsaalang-alang sa mga interes ng kalakhang publiko, kabilang ang mga tagagamit na maaaring mapinsala dahil sa sobrang agresibong pagpapatupad ng mga batas ukol sa intelektwal na ari-arian.

    Komento ng OTW sa Gobyerno ng Timog Aprika

    Kaugnay sa isinisagawang pagrerepaso ng gobyerno ng Timog Aprika ng karapatang-ari, nagpahayag ang OTW ng komento ng pagsuporta sa pagpapatibay ng Timog Aprika ng pamantayan sa tamang paggamit na papalit sa mga eksemsyon sa batas sa karapatang-ari na maituturing na makitid at lipas na sa panahon. Ayon sa nakasaad sa komento ng OTW, naniniwala kami na napakahalaga na “ipaalam sa Pamahalaan ang kahalagahan at kayamanan ng di-komersyal na komunidad ng remix at ang mga likhang nagagawa nila, sa Timog Aprika at saanpaman. Ipinapakita ng empirikal na pananaliksik na ang kulturang remix ay isang pandaigdigang kaganapan, na may magkakaparehong katangian sa buong daigdig.”

    Liham sa Kongreso ng Estados Unidos

    Ang OTW Batasan ay sumama sa koalisyon ng mga samahan, akademiko, at ligal na propesyonal sa pagpapadala ng liham sa Kongreso ng Estados Unidos patungkol sa kahalagahan ng ‘isang balanseng sistema ng karapatang-arii [na] kapaki-pakinabang sa mga manlilikha, tagagamit at innovator’ at nagpapasigla sa malayang pakikipagtalastasan.

    Pagsumite ng Kasulatang Tumatalakay sa Paglabag sa Online na Karapatang-ari sa Pamahalaan ng Australya

    Ang OTW Batasan, kasama ang Creative Commons Australia, ay nagbigay ng Pagsumite sa Pamahalaan ng Australya ng Kasulatang Tumatalakay sa Paglabag ng Online na Karapatang-ari noong ika-5 ng Setyembre, 2014 na nagmumungkahi laban sa panukala ng pamahalaan ng Australya. Ang panukala ay nagpalawak ng kahulugan ng pananagutan ng “awtorisasyon” para sa mga tagapaghatid ng serbisyong internet. Mangangahulugan ito na, kahit pa hindi nila mapigilan ang indibidwal na paglabag ng mga tagagamit, maaari nilang mabago kung paano pinapatakbo ang kanilang mga serbisyo, katulad na lang ng pagsara ng akses sa internet para sa mga naakusahang lumabag o sa pamamagitan ng pagsala sa mga gawain ng tagagamit.

    Mga Komento sa European Commission

    Noong Pebrero 2014, ang Komiteng Batasan ng OTW ay inirehistro ang OTW sa Transparency Register ng European Union at nagsalang ng pagsumite sa European Commission bilang tugon sa panawagan nito para sa mga komento kaugnay sa posibleng pagrerepaso ng EU sa karapatang-ari.

    Mga Komento sa PTO/NTIA

    Noong Oktubre 2013, ang U.S. National Telecommunications and Information Administration (NTIA) at ang U.S. Patent and Trademark Office (PTO) ay humingi ng mga pampublikong komento sa mga isyu sa polisiya ng karapatang-ari, kabilang ang ligal na balangkas para sa paggawa ng mga remix. Ang aming mga abogado ay gumamit ng mga kwentong isinumite ng mga tagahanga upang ipaliwanag sa mga ahensyang ito, na maaaring magpanukala ng mga bagong batas ukol sa karapatang-ari, kung bakit alinmang pagbabago sa batas sa karapatang-ari ay dapat pumanig sa kalayaang gumawa ng mga ibahing katha.

    Ang kawani ng OTW Legal na si Rebecca Tushnet ay lumabas din sa isang panel tungkol sa Legal na Balangkas para sa mga Remix na hiningi na magbigay ng salaysay sa mga ahensyang ito kaugnay ng parehong proseso ng pampublikong komento noong Disyembre 12, 2013.

    Ang tagapangulo ng OTW Legal na si Betsy Rosenblatt ay kumatawan sa OTW sa isang gumaganang grupo ng Green Paper Roundtable upang bumuo ng legal na balangkas para sa paglikha ng mga remix.