2022 OTW Timeline ng Halalan at Nakatakdang Huling Araw ng Pagiging Miyembro

Malugod na ipinahahayag ng OTW (Organisasyon para sa Nagbabagong Katha) Komite ng Halalan na nailathala na ang timeline para sa 2022 halalan para sa mga bagong miyembro ng Lupon ng mga Tagapangasiwa!

Gaganapin ang halalan para sa taong ito sa ika-12 hanggang ika-15 ng Agosto . Nangangahulugan ito na sa ika-17 ng Hunyo ang huling araw para magpahayag ang mga boluntaryo ng kanilang kandidatura.

Katulad ng dati, ika-30 ng Hunyo ang huling araw ng pagiging kasapi ng halalan. Kung interesado kang bumoto, mangyaring siguraduhin na aktibo ang pagka-miyembro mo hanggang sa petsang nabanggit. Mangyaring tandaan na nakatakda ang petsa ng resibo ng iyong donasyon sa US Eastern Time, kaya kung nailista ang iyong donasyon matapos ang alas 19:59 sa ika-30 ng Hunyo, 2022 sa resibo nito, hindi ka maaaring bumoto. Kung may alanganin ka kung nagawa ang iyong donasyon bago ang palugit, mangyaring makipag-ugnayan sa aming Komite ng Pagpapaunlad at Kaaniban sa pamamagitan ng paggamit sa form ng pakikipag-ugnayan na nasa aming website at sa pagpili sa “Kasalukuyan ba ang aking pagiging miyembro/Maaari ba akong bumoto?”.

Mangyari lamang na basahin kung paano maging isang miyembro para sa karagdagang impormasyon, o kung alam mo na ang proseso, maari kang magbigay ng donasyon dito!

Para sa karagdagang impormasyon ukol sa proseso ng halalan sa pangkalahatan, maaring puntahan ang mga Patakaran ng Halalan.

Inaasahan namin na magiging aktibo ang darating na halalan, at may sapat na pakikipagtalastasan sa pagitan ng mga kandidato at botante. Umaasa kaming magiging bahagi kayo nito. Huwag kalimutang sundan ang Komite ng Halalan sa Twitter upang maging maalam sa mga pinakabagong balita!

Kung may tanong o kuro-kuro ka, huwag mag-atubiling makipag-ugnayan sa Halalan.


Isang organisasyong di-pangkalakal ang OTW (Organisasyon para sa Nagbabagong Katha) na sumasaklaw sa ilang mga proyekto, tulad ng AO3, Fanlore, Open Doors, TWC, at Ligal na Pagtataguyod ng OTW. Pinapatakbo ang buong organisasyon ng mga boluntaryo at dumepende lamang sa mga donasyon. Maaari niyong alamin ang higit pa tungkol sa amin sa pagbisita sa website ng OTW. Para sa karagdagang impormasyon tungkol sa aming mga boluntaryong tagasalin, na siyang nagsalin ng paskil na ito, maaaring tumungo sa pahina ng Komite ng Pagsasalin.

Uncategorized @fil

Comments are closed.