भाषांतर समिती

आम्ही कोण आहोत?

भाषांतर समिती एक सर्व स्वयंसेवक समिती आहे, ज्या मधील सदस्य जगाच्या वेगवेगळ्या देशातून आले आहेत. आमची मुख्य जबाबदारी म्हणजे OTW (परिवर्तनात्मक रसिककलामंडळी)च्या सामग्री व प्रकल्पांबद्दल वेग-वेगळ्या भाषेत माहिती देणे. आम्ही OTW (परिवर्तनात्मक रसिककलामंडळी)च्या आदि समिती व स्वयंसेवक दलांना मदत करतो आणि इंग्रजी न बोलणाऱ्या रसिकांशी व वापरकर्त्यांशी संवाद साधतो.

ह्या समितीमध्ये दोन उपसमित्या आहेत– अनुवादक व स्टाफ. अनुवादक भाषा संघांमध्ये काम करतात; ते अनुवाद करतात व अनुवाद झालेल्या गोष्टींचे पुरावा-वाचन करतात. स्टाफ भाषा समितींना समन्वय करतात व औपचारिक गोष्टींची काळजी घेतात जसे की डॉकुमेंटस तयार करून ती अपलोड करणे, अंतिम मुदतीवर लक्ष ठेवणे, नवीन अनुवादकांची मुलाखत घेणे व नवीन स्वयंसेवकांना प्रशिक्षण देणे.

आमच्याकडे ४७ भाषांचे संघ आहेत: आफ्रीकान्स, अरबी, बंगाली, ब्राझिलियन पोर्तुगीज, बल्गेरियन, कॅटलान, सरलीकृत चीनी, पारंपारिक चीनी, क्रोएशियन, चेक, डॅनिश, डच, एस्टोनियन, युरोपियन पोर्तुगीज , फिलिपिनो, फिनिश, फ्रेंच, जर्मन , ग्रीक, हिब्रू, हिंदी, हंगेरियन , इंडोनेशियन, इटालियन, जपानी, कोरियन, किर्गिझ, लिथुआनियन, मॅसेडोनियन, मलाय, मराठी, नॉर्वेजियन, पर्शियन, पोलिश, रोमानियन, रशियन, सर्बियन, सिंहला, स्लोवक, सलोवेनी, स्पॅनिश, स्वीडिश, थाई, तुर्की, युक्रेनियन, व्हिएतनामी आणि वेल्श. आम्ही नवीन भाषा संघ सुरू करण्यासाठी नेहमीच संध्या शोधत असतो!

आमचे काम

भाषांतर समिती OTW (परिवर्तनात्मक रसिककलामंडळी) व त्याच्या प्रकालपांसाठी भाषांतर करते ज्याच्यात संस्थेच्या प्रमुख वेबसाइटचा व Archive of Our Own – AO3 (आमचा स्वतःचा संग्रह) वाविप्रचा समावेश होतो. आम्ही OTW प्रकलपांसाठीच्या बातम्या व सूचनांवर सुद्धा काम करतो जसे की Open Doors (रसिकमुक्तद्वार प्रकल्प) आयात घोषणा, AO3 बातम्या पोस्ट,आणि OTWचे सदस्यत्व मोहीम.

याव्यतिरिक्त, आम्ही नियम आणि तक्रारनिवारण समिती व समिती-संवाद समिती सोबत देखील काम करून त्यांना आलेल्या संदेशांचे व विनंत्यांचे भाषांतर करून त्यांना इंग्रजीमध्ये नसलेल्या टिप्पण्यांना उत्तर देण्यासाठी मदत करतो.

मराठी टीम बद्दल

• टीम मराठी ५ जुलै २०१५ मध्ये स्थापन झाली.
• सध्या या टीम मध्ये ३ स्वयंसेवक आहे.
• त्यांनी AO३ वाविप्र आणि OTW वेबसाइट सारख्या सामग्रीचे भाषांतर करण्याचे काम केले आहे.
• OTW सदस्यता ड्राइव्हसाठी भाषांतर तयार करणे यासारख्या विशेष प्रकल्पांवर त्यांनी यापूर्वीही काम केले आहे.
• टीमचे काही सदस्य AO3च्या समिती-संवाद समिती आणि नियम आणि तक्रारनिवारण कार्यसंघाशी संवाद साधण्यास AO3 वापरकर्त्यांना मदत करतात.

आमच्याशी संपर्क साधा

जर तुम्हाला आमच्या भाषांतर समितीबद्दल, आमच्या संघांबद्दल जाणून घ्यायचं असेल किंवा तुम्हाला आमच्याबरोबर स्वयंसेवक म्हणून काम करायच असेल किंवा तुम्हाला काही प्रश्न असतील तर कृपया आमच्याशी संपर्क साधा— आम्हाला तुमचे विचार ऐकायला नेहमीच आवडते.

आम्ही कुठे आहोत

या जगाच्या नकाश्यावर डिसेंबर २०२२ पर्यंतचे OTWच्या भाषांतर समिती सदस्यांचे केंद्रीकरण दाखवले आहे, ज्या देशांमध्ये जास्त वापरकर्ते आहेत त्या देशांना गडद रंग दिला आहे. (केवळ जे वापरकर्ते या नकाशावरती दिसण्यासाठी राजी होते फक्त त्यांचाच समावेश इथे आहे.) नकाशावर, स्वयंसेवकाच्या म्हणण्यानुसार राष्ट्रीयत्व, अथवा निवासस्थान स्थिती दाखवली आहे.