Управен одбор

OTW (Организација за трансформативни дела) ја водат фановите за фановите. Сите членови на Управниот одбор на OTW се активни во фандомите, исто како што се и стотиците други луѓе кои служат во комисиите и работат како волонтери.

Управен одбор

Кери Дејтон (Kari Dayton) (таа) за прв пат се сретнала со фандомите на многу млада возраст преку Sailor Moon, но поминале уште неколку години пред да ја пронајде фан-фикцијата во Harry Potter фандомот. (Таа длабоко верува во правата на трансродовите лица и ги обожава напорите кои се сторени за да се оддалечи неверојатниот фандом на Harry Potter од омразата која ја пропагира создателката.) Иако многу почетоци на приказни живеат во нејзината глава, таа нема напишано многу фна-фикција и повеќе сака да работи зад кулисите како уредувач на ознаки, комисија при која се приклучила во 2018. Таа е активен Надзорник-уредувач на ознаки (од 2019) и ужива да помага со административната работа и да смислува начини да се олесни работата на уредувачите. Преку ден, таа работи во технолошката бранша, во VoIP компанија и е главниот внатрешен обучувач и технолошкиот водич за нејзиниот оддел. Редовната работа вклучува пишување и обновување на документација, дејствување како ресурс за колегите од нејзиниот и другите оддели, одговарање на прашања (преку чет и е-пошта) и обучување на нови вработени. Таа е позната во компанијата по тоа што помага одделите да соработуваат, овозможува комуницирање меѓу оддели, е личноста што знае работи и оптшо мисли дека скривањето на информации е бесполезно за сите. Би била среќна да Ве обучи за која било задача за која би сакале да знаете повеќе – само прашајте!

Антониус Мелис (Antonius Melisse) – претседател е личност од Холандија која цврсто верува дека никогаш не треба да престанеме да учиме. Тој има добиено сертификати, на универзитет и пошироко, по англиски јазик и литература, новинарство, два методи на тестирање на софтвер (ISTQB и TMAP Next) и PHP развој. Во моментот, тој работи како back-end програмер за Symfony. Што се однесува до претходно менаџерско искуство, тој бил член на Управен одбор на театарска мјузикл-група во која членувал (пеел бас) и има работено како менаџер, помагајќи им на ученици во потрагата по летна работа. Со фандомот го запознале некои долгогодишни пријатели што ги стекнал играјќи World of Warcraft. Заедно, тие пишувале фан-дела и оригинални приказни на форумите за нивните гилд-групи. Кога еден од пријателите спомнал дека некое време преведувал за OTW (Организацијата за трансформативни дела) и дека имало место на холандскиот јазичен тим, тој ја зграбил можноста и е дел од комисијата за превод уште од февруари 2016. Во минатото тој исто волонтирал и за Комисијта за правила и злоупотреба. Моментално од време на време објавува под-фикција, вообичаено за The Witcher, но е фан на повеќето фандоми на фантазија и научна фантастика.

Ребека Сентанс (Rebecca Sentance) учествува во фандомите веќе 15 години, почнувајќи на Quizilla каде што читала фан-фикција во второ лице во фандоми како што се Yu-Gi-Oh!, Inuyasha, Yu Yu Hakusho и Dragonball Z. Сепак, нејзиното прво фан-дело била фан-фикција за Enid Blyton која ја напишала на петгодишна возраст, долго пред воопшто да може да си замисли дека постојат цели заедници од луѓе кои објавуваат и читаат такви дела онлајн.

Ја открила AO3 во 2011 и полека почнала да учи за огранизацијата зад неа и нејзините бројни останати проекти, што ја довело да се задлабочи во историјата на фандомите и академските фан-студии и да научи за виталната значајност на зачувувањето и бранењето на фан-делата од секој вид. Иако едвај чекала да стане дел од OTW, не успеала да фати отворена рунда за регрутирање до средината на 2015, брзо по завршувањето на постдипломските студии, кога видела објава за членови на персоналот на Документација на AO3 – совршена позиција за некој кој сака сѐ што има врска со зборови.

Подоцна се приклучила на Комисиите за Трансформативни дела и култури и Фанлор, а сега посветува и значителен дел од своето време на оваа неверојатна заедница на фанови. Кога не волонтира за OTW, се крие во различни делови од фандомот на Marvel и го одложува пишувањето на својот најнов фик.

Е. Ана Сегеди (E. Anna Szegedi) го открила фандомот многу години пред да знае што значи зборот. Таа го напишала своето прво фан-дело (за Heroes of Might and Magic III) со молив на обична хартија на осум години. Првиот приод на онлајн фандомите бил преку малиот форум посветен на трилогијата Bartimaeus на Џонатан Страуд (Jonathan Stroud) каде и го објавила нејзиното прво фан-дело со повеќе глави. Откривањето на англиски форуми и фан-страници ја мотивирало да научи англиски, а читањето (и пишувањето) фан-фикција на англиски ја хранело нејзината љубов кон јазиците. Таа се приклучила на OTW (Организација за трансформативни дела) како член на Комисијата за превод во 2017. Како редовен корисник на Archive of Our Own – AO3 (Наша сопствена архива), Ана била возбудена да помогне проектите на OTW да се направат пристапни за оние кои не зборуваат англиски. Подоцна, таа станала волонтер-менаџер за комисијата, работејќи да ги обучи и поддржи волонтерите преведувачи при нивните задачи. Ана има диплома по англиска и американска филологија и магистратура по превод и толкување. Таа работи во административниот оддел на универзитет и е одговорна за прием и секојдневна поддршка на меѓународни студенти.

Алекс Тишер (Alex Tischer) – секретар работи во ургентна ветерина, моментално во Велика Британија. Дел од фандомите е уште од пред почетокот на новиот милениум и има пројдено низ повеќе фандоми отколку што може да се наведат. Член е на OTW (Преведување) од нејзиното основање и волонтира исто толку долго. Освен во медиумски фандоми, некако успева да се најде и во необичниот и прекрасен свет на спортот – составен од специјализирани групи што изненадувачки наликуваат на фандоми. Кога не се грижи за болни миленичиња, Алекс се занимава со трим трчање, спортско качување и планинско трчање речиси исто толку често колку што консумира медиуми.

Џес Вајт (Jess White) е страсен консуматор на сѐ што ги претставува фандомите откако ги пронашла Кирк/Спок фанзините на нејзината тетка во раните ‘90-ти. Оттаму преминала во запишување на сопствени фанфикции во тетратки со светкави пенкала, а потоа и пишување на веб-форуми и индивидуални фандом форуми, LiveJournal и конечно AO3. Џес волонтира со OTW веќе 6 години, претежно со Комисијата за правила и злоупотреба. Кратко работела и со Корисничка поддршка (околу 2 години), а моментално волонтира и со Фанлор како член на персоналот на Правила и Администрација. Надвор од фандомите, Џес е наставник веќе 15 години.

Кирстен Врајт (Kirsten Wright) е член на тимот за комуникации на OTW. Кирстен првпат се приклучила во 2014 по препорака на поранешна професорка. Моментално е модератор на Facebook страницата на OTW и на нејзините профили на LiveJournal и Dreamwidth. Претходно ги модерирала Twitter профилот на OTW и профилите на Фанлор на Twitter и Tumblr. Кирстен првпат се сретнала со организираните фандоми во раните тинејџерски години и никогаш не се одвоила од нив. Во различни етапи на нејзиниот живот, фандомите ѝ биле учител и пријател, и благодарение на нив таа ја открила својата кареира во политичките кампањи во САД. Позната е по тоа што често ги менува фандомите, но најмногу има напишано за The Social Network. Нејзиниот омилен тип на фик е slice of life. Сигурно има отворено повеќе фикови со преку 200.000 зборови после полноќ во текот на работната недела.

Членови без водечка функција

Јученг Лоу (Yuechiang Luo) – благајник

Емеритус директори.

Прочитајте за нашите актуелни комисии.