Емеритус директори

Забелешка: овие биографии се најновите верзии кои биле достапни на крајот на мандатите на директорите.

Рејчел Баренблат (Rachel Barenblat) (2009-2011)
Рабината Рејчел Баренблат е со-основачот на Инкбери (Inkberry), книжевно-уметничка непрофитна организација чија мисија е да им помогне на сите писатели да го пронајдат сопствениот глас. Таа исто така служела во одборите на две други непрофитни организации. Шестте години кои ги поминала раководејќи со Инкбери ѝ дале стручност за раководење со непрофитни организации, пишување на молби за грантови и градење на членство.
Поетеса, која има блог за прашања на верата под името „Кадифената рабина“ (The Velveteen Rabbi), како и ентузијастичен учесник во онлајн фандомите од 1999, Баренблат има долготрајна посветеност и кон трансформативните дела и кон пишувањето како начин за лична преобразба. Таа е омажена за Итан Зукерман (Ethan Zuckerman), претседател на Центарот за цивилни медиуми при МИТ, а моментално опслужува мала конгрегација во западен Масачусетс. Во текот на нејзините години во Управниот одбор на OTW (Организација за трансформативни дела), таа изгледала многу епизоди на Западното крило (West Wing) и Изгубени (LOST).

Јулија Бек (Julia Beck) (2011-2013) Јулија Бек е студент по медиуми и комуникации на Универзитетот во Хале-Витенберг (Германија) и работи како надгледувач за комуникации и квалитет при грижа за корисници. Занесена по фантазија уште од детството, иницијацијата во организираните фандоми била поттикната од Зетсуаи: Бронза (Zetsuai: Bronze) и германските јаои фандоми, од каде се префрлила во меѓународните фандоми. Таа е тврдокорен гејмер, главно на западни и јапонски RPG-игри, но повеќе е фан на фандомите отколку на некој посебен извор.

Кели Ен Беса (Kelly Ann Bessa) (2007-2009) Кели Ен Беса има диплома по менаџмент од Универзитетот Кардинал Стрич и моментално работи како консултант за човечки ресурси во инвестициска фирма. Таа учествува во фандомите речиси десет години како писател, сопственик на поштенска листа, модератор во заедниците и вебмастер. Освен тоа што води неколку архиви, таа хостира и оддржува веб-страници за повеќе фан-автори. Една од првите љубови од детството бил Бетмен, а таа сѐ уште работи неколку часа неделно во локалната продавница за стрипови и учествува во феминистички онлајн фан-заедници посветени на стриповите.

Маја Бобровиц (Maia Bobrowicz) (2013) Маја е бизнис аналитичар и проектен менаџер при одделот за развој на софтвер во меѓународна фирма и има потешкотии да се откаже од образованието. Има диплома по хемија, металургија, филозофија и новинарство и моментално навечер посетува магистерски студии по бизнис администрација. Маја се вклучила во онлајн фандомите во 2001 и полека се префрлила од читање до организирање, до волонтирање. Волонтер при OTW од 2008, Маја била на чело на Комисијата за пристапност, дизајн и технологија и помогнала да се отвори Archive of Our Own – AO3 (Наша сопствена архива) во отворена бета. Како дел од филозофијата на враќање на заедницата, Маја била дел од комисијата на Сванкон – Swancon (годишна конвенција за научна-фантастика во западна Австралија) за 2009 како координатор на програмата. Маја се залагала за програма ориентирана кон жените и семејствата и успеала да добие 49% женски панелисти и презентери. Маја води годишен панел за дебата посветен на изнаоѓање начини конвенциите да се направат пријатни и (по)безбедни за сите посетители.

Мети Бауерс (Matty Bowers) (2015-2018) прв пат наишла на фандомите во мај 1998, меѓутоа не се вклучила вистински сѐ до 2001. Нејзините први фандоми биле Хајлендер (Highlander) и Бафи (Buffy), но набрзо се вклучила во низа други фандоми. Сега таа е голем фан на фандомите, би прочитала кое било огромно дело во кои било фандоми! Мети главно се криела првите неколку години, но постепено почнала да придонесува за фанските проекти како списанијата и заедниците за препораки. Таа била фасцинирана и заинтересирана кога првпат ги чула мрморењата за создавање на место каде фандомите ги поседуваат серверите и се приклучила на OTW како уредувач на ознаки кога бил објавен повикот за волонтери во 2009. Оттогаш таа има работено во Комисиите за поддршка, документација на AO3 и злоупотреба. Мети се здобила со диплома за образование и поминала повеќе од десет години како наставничка пред да премине на работа во технолошката област. Моментално работи како менаџер на локален бизнис, а во слободно време служи како техничка поддршка за многуте пријатели и семејство.

Еле Браунстајн (Hele Braunstein) (2011) Еле Браунстајн е студент на Универзитетот во Буенос Аирес, каде посетува студии по биологија и учествува во истражувања за животната средина. Латиноамерински фан со шпански како мајчин јазик, Браунстајн е активна во разноликите онлајн платформи и фановски култури. Активист за меѓународна и панфандомска пристапност, нејзинот фокус е на фановите кои не зборуваат англиски и на оние кои го користат англискиот како фановски заеднички јазик.
Таа служела како ментор на другите фанови за основни писателски способности и како дел од модераторскиот тим на веб-страница. Браунстајн волонтира во различни улоги при Совршена Фантазија (Perfect Imagination), индекс на фан-фикција за Џејн Остен, како и при Регентската енциклопедија (Regency Encyclopedia). Нејзините фановски вкусови се широки и моментално – и неекслузивно – ги вклучуваат фандомите за Џејн Остен, Хари Потер (Harry Potter), Досиеја икс (X-Files), Наруто (Naruto), Хикару но Го (Hikaru no Go), Чудовиште (Monster), Ајронмен (Iron Man), и Клуб на ранобудниците (The Breakfast Club).

Кристина Бусe (Kristina Busse) (2016-2019) е една од основачките со-уредници на академското списание на OTW Transformative Works and Cultures (Трансформативни дела и култури) и работи за OTW веќе 8 години. Таа била со-уредник на неколку академски книги за фан-фикција и фан-култури и продолжува да издава во оваа област. Нејзините книги ги вклучуваат Врамување на фан-фикцијата (Framing Fan Fiction) (2017) како и збирките со-уредени есеи Фан-фикцијата и фан-заедниците во добата на интернетот (Fan Fiction and Fan Communities in the Age of the Internet), Шерлок и трансмедиските фандоми (Sherlock and Transmedia Fandom) и Прирачникот за изучување на фан-фикцијата (The Fan Fiction Studies Reader).
Сите приходи од овие книги одат кај OTW. Кристина се приклучила на организираните фандоми како фан на Бафи/Ејнџел (Buffy/Angel) во доцните 90-ти и била во повеќе фандоми отколку што сака да признае со моментална опсесија со Драгон Ејџ (Dragon Age), Марвел филмскиот универзум (MCU) и Воркосиган (Vorkosigan). Таа има докторат по англиски од Универзитетот Тулејн и предава на катедрата по филозофија и на катедрата по родови студии на Универзитетот во Јужна Алабама. Таа предава сѐ од логика и митологија до фановски студии и ЛГБТ историја. Кристина е преселена германка, а живее во југот на Соединетите држави со своето семејство на играчи на друштвени игри со глумење.

Алини Кахау (Aline Carrão) (2015-2017) има работено во заштита на потрошувачи и цивилно право и моментално го продолжува образованието за цивилен службеник. Алини ги открила фандомите кога Хари Потер (Harry Potter) го превземал светот и никогаш не заминала. Таа се придружила на OTW во 2013 како уредувач на ознаки и полека се вклучила во други делови на организацијата; таа сега е персонал во Поддршка и Преведување. Во Поддршка таа одговара на грижи, прашања и фидбек од корисници; во Преведување, таа раководи со преку 150 волонтери и има завршено проекти со строги рокови во атмосфера на постојана и продуктивна комуникација на тимско ниво.

д-р. Франческа Копа (Francesca Coppa, PhD) (2007-2012) Франческа Копа е директор на филмски студии и професор по англиски на Муленберг Колеџот, каде држи предавање по драматична литература, популарна литература и создавање на приказни преку масовни медиуми. Нејзините дела за фандомите се вклучени во Фан-фикција и фан-заедници во добата на интернетот (Fan Fiction and Fan Communities in the Age of the Internet) и презентирани на конференцијата на МИТ за медиуми во транзиција. Копа ги посетува конвенциите и купува фанзини од раните 80-ти, кога таа и нејзините пријатели рачно пишувале фан-фикција и ги праќале по бавната пошта. Таа е вклучена во онлајн фандомите од средината на 80-те како писател, администратор на листи, видер, архивист и модератор на заедниците.

д-р. Кети Купит (Cathy Cupitt, DCA) (2007-2008) Кети Купит предава пишување и Шекспир на Универзитетот во западна Австралија и има докторат во креативни уметности од Универзитетот за технологија Куртин. Нејзините дела се појавиле во австралиските списанија како Вестерли (Westerly) и Граничници (Borderlands), а во 1997 таа освоила 20.000 долари за првото место на Светскиот натпревар за есеи за 20-годишнината на Хјундаи. Откако ги открила фандомите во 1988, Купит има пишувано за девет фандоми и води активна страница за препораки. Таа служела на многубројни фановски комисии, вклучувајќи ја и националната конвенција за научна фантастика на Австралија за 2011, каде што била една од раководителите.

Присила дел Сима (2016-2019) има диплома по право и магистратура по проектен менаџмент. Таа прво се приклучила на OTW во 2009 и оттогаш работела на разни комисии, вклучувајќи ги Комисиите за развој и членство и документација на АО3. Таа служела како претседател на Комисијата за преведување откако била вклучена во реструктуирањето на тимот доцна во 2013 и исто така работи за да се обноват тимовите за Финансии и Фанлор.

Франческа Диксон (Franzeska Dickson) (2012-2014) Франческа Диксон работи со позадниските финансии. Секогаш била гик, но се запознала со фан-фикцијата преку alt.tv.x-files на раната возраст од 13 години и оттогаш учестувува во фандомите за фан-дела, прво како читател, потоа како писател и бета-читател, а сега како видер. Нејзините омилени настани се оние кои се панфандомски, вклучувајќи ја и нејзината размена на ретки азиски фандоми. Таа претходно има служено во Комисиите за содржина, злоупотреба, мрежи и уредување на ознаки, а имала и низа други волонтерски позиции во OTW.

Ејлул Догруел (Eylul Dogruel ) (2012-2015) Ејлул Догруел е уметник и кандитат за магистерски студии на Универзитетот Мармара во Истанбул. Таа има разнолика позадина со комбинација на компјутерски науки и уметност. Нејзините познавања и интереси покриваат низа на теми вклучувајќи и нови медиуми, научна-фантастика, поддршка за корисници, веб-технологија и леснотија на користење. Ејлул е доживотен фан и преминала низ разни медиуми и гејминг фандоми. Таа читател на фан-фикција, фан на фанарт, играч на ММО (масивни мултиплејер онлајн игри) и повремено писател на мета. Нејзините моментални фандоми ги вклучуваат Воркрафт (Warcraft), Доктор Ху (Doctor Who) и Најдолгото патување/Сонопад (The Longest Journey/Dreamfall).

Ана Џеноезе (Anna Genoese) (2014) Ана Џеноезе е долгогодиншен фан и професионален уредник/автор кој моментално работи полно-времено за меѓународна непрофитна организација со фокус на развој на млади. Додека работела како професионален уредник, Ана издала оригинални дела од неколку писатели на фан-фикција. Користејќи псевдоним, Ана има напишано фан-фикција и направено подфик во низа на фандоми, кои можат да се најдат на АО3. Ана работела со Комисијата за стратешко планирање на OTW од јануари 2012 до декември 2013 и била претседател на Комисијата од август 2012 до декември 2013. Ана е исто така волонтерски уредник на ознаки.

д-р. Сузан Гибел (Susan Gibel, JD) (2007-2009) Сузан Гибел е постар менаџер при Центарот за ефективна јавнa политикa инк., непрофитна организација основана да им помогне на други агенции во развивањето и имплементацијата на здрава јавна политика. Нејзината работа таму е фокусирана на иницијативи за национална обука и техничка поддршка поврзани со домашно насилство и реинтеграција на престапници. Таа има работено со организации против насилство за прашања поврзани со домашно насилство и квир права и има диплома по право од Универзитетот во Минесота. Гибел е вклучена во фандомите од средината на 70-те, почнувајќи со Ѕвездени патеки (Star Trek). Таа пишува за грст фандоми, примарно Јужна насока (Due South), и ја основала годишната размена на приказни Сикрит Сента (Seekrit Santa) за Јужна насока (Due South).

Ира Гладкова (Ira Gladkova) (2010-2013) Ира Гладкова е веб-дизајнер и девелопер кој се фокусира на кориснички интерфејси, лесно користење, пристапност и веб-стандарди. Долгогодишен фан и консумер на медија, тие имаат особен интерес за фан-проекти кои ги зближуваат разноликите заедници и медиумите. Тие служат како модератор на заедници и персонал за две фандомски списанија, а нивната работа во годишните повеќе-фандомски размени вклучува со-модерација, дизајн и фронт-енд кодирање на формуларите за пријава и изготвување на правила кои користат не-ексклузивен јазик и прифаќаат разноликост низ медиуми, кинкс и преференци за род. Гладкова имаат создадено приказни, уметност, стрипови и графици во повеќе од педесет фандоми; активни се во давањето на препораки и како бета-читател и се надеваат да ги завршат првите видеа наскоро. Тие ја имаат несреќната тенденција да се заљубуваат во заднински карактери.

Соледад Грифин (Soledad Griffin) (2014-2015) Соледад Грифин моментално е напреден Летрас студент на Националниот унивезитет во Ла Плата во Аргентина. Таа сега работи за државен образовен план за агрентинските млади наречен Jóvenes y Memoria, по подолг период како волонтер. Таа учестувува во фандоми повеќе од половина од животот, почнувајќи во аниме фандомите на шпански јазик во доцните 90-ти, а подоцна учествувала во широк спектар на фандоми.

Атија Хаким (Atiya Hakeem) (2015-2018) ја добила дипломата по биологија од Калифорнискиот институт за технологија, а потоа продолжила на Универзитетот во Хаваи на докторски студии за биомедицински науки. Отткако многу години работела на Калтек како невробиолог проучувајќи аутизам и општествена когниција, таа се вратила на Хаваи и моментално се дружи со ардваците како волонтер во зоолошката градина во Хонолулу. Таа секогаш се потпирала на фандомите како бегство и креативен испуст со интереси кои ги вклучуваат Ѕвездени патеки (Star Trek), бејзбол, добата на едрење, Хаваи-пет-0 (Hawaii Five-O) и аниме што конечно довело да служи како персонал на конвенциите Аниме Експо (Anime Expo) и АХ Њујорк (AX New York). Таа се придружила на OTW како волонтер во 2012 при АО3 Поддршка и оттогаш има одговорено околу 5000 кориснички прашања. Мотивирана од желбата директно да учествува во оддржувањето на Архивата, таа се придружила на AD&T (комисијата на Архивата за кодирање и дизајн) како тестер, а сега ја предводи подкомисијата за провека на квалитет и тестирање. Таа исто така служела во работните групи за промена на категории и анкети.

Катарина Харjу (Katarina Harju) (2015-2017) е финка која зборува шведски и моментално се здобива со диплома за информатички технологии. Пред ова, таа многу години работела во сметководство. Таа ги побарала фандомите во 2000 откако прочитала за нив во списание (и е бескрајно благодарна што случајно го земала тоа списание кога ѝ било досадно). Таа има создадено фан-дела за низа на фандоми, многу од кои можат да се најдат на нејзината корисничка страница на AO3. Во текот на годините, таа се заљубила во аудиофиковите и сѐ уште пишува фикција, снима аудиофикови и дури и изработува понекои фановски изработки, но не толку често колку што би сакала. Катарина ја следела работата на OTW од почетокот и се придружила во 2013 како член на Комисијата за преведување, каде што моментално е преведувач и дел од персоналот. Таа некое време била уредувач на ознаки во 2014, а моментално служи на Комисијата за злоупотреба на АО3.

Андреа Хорбински (Andrea Horbinski) (2012-2015) Андреа Хорбински е кандидат за докторат по модерна јапонска историја со назначен фокус на нови медиуми на Универзитетот во Калифорнија, Беркли. Освен службата на Одборот на OTW, таа исто така служи на советничкиот одбор и како Секретар на Управниот одбор на Иницијативата Ада (Ada Initiative), која посветена на зголемување на учеството на жените во отворената технологија и култура. Таа претходно била Фулбрајт стипендист во Јапонија, каде студирала хипернационалистичка манга во Кјото и служела како претседател на Комисијата за интернационализација и популаризација на OTW. Таа се приклучила на онлајн фандомите во 1999 откако го напишала дипломскиот говор за љубовта кон Војна на ѕвездите (Star Wars), а брзо потоа се вклучила во аниме и манга фандомите како уредник на аниме музички видеа и подоцна како фан-преведувач. Таа дискутирала за фандом, аниме, манга и јапонска историја на конвенции и конферениции ширум светот, вклучувајќи ги и Отакон (Otakon), Сајренс (Sirens), Вискон (WisCon), АнимеЕкспо (AnimeExpo) и ХАСТАЦ (HASTAC), а нејзините статии и рецензии се појавиле во Вискон Хрониките (The WisCon Chronicles) бр. 6, Мекадемија (Mechademia) и Трансформативни дела и култури (Transformative Works and Cultures).

Шила Лејн (Sheila Lane) (2009-2011) Шила Лејн има магистерска диплома по бизнис менаџмент и е лиценциран јавен сметководител. Таа работи како корпоративен сметководител за светска брокерска фирма и е експерт за даночење на индивидуалци и мали бизниси. Лејн претходно работела за Сенатот на САД како посредник меѓу избирачите и државните агенции, особено во Администрацијата за социјална сигурност и Даночната служба на САД (IRS). Таа има блог на LiveJournal поврзан со финансиски прашања под името „sheila_cpa“. Лејн е активна во онлајн фандомите уште од 1994 и преминала од електронски огласни табли достапни преку telnet (telnet BBS) и фанзини до поштенски листи и LiveJournal. Таа има пишувано за повеќе од триесет фандоми од Алиас (Alias) to Вештерско сечиво (Witchblade), често работи како бета-читател и има модерирано повеќе поштенски листи, заедници и предизвици.

Маргарет Џ. Мекреј (Margaret J. MacRae) (2014-2015) Емџеј Мекреј се здобила со диплома по историја на Смит Колеџот. По факултетот Емџеј поминала три години како главен менаџер на мал непрофитен театар. Кога дошло време да продолжи со нешто друго, таа решила да стане адвокат бидејќи никој не вработувал рицари. Таа го посетувала правниот факултет Луис и Кларк, каде работела како уредник на Правното списание за заштита на околината (Environmental Law Journal). Емџеј имала намера да се врати на менаџмент на непрофтни организации, но судницата ја завела и таа сега ги поминува деновите во костим (онаков ненаменет за витези, за жал). Уште од кога научила да чита, таа прелетува низ книги со зачудувачко темпо и ги пронашла онлајн фандомите како тинејџерка, кога била премногу нетрпелива за да ја чека следната книга на Тамора Пирс (Tamora Pierce). Моменталните фандоми ги вклучуваат Марвел филмскиот универзум (MCU), Стрела (Arrow), Ѕвездени патеки (Star Trek) и Игра на тронови (GoT).

Кет Маер (Cat Meier) (2012-2015) Кет Маер студирала Меѓународни односи на Американскиот универзитет и оттогаш има работено во низа на целосно неповрзани полиња вклучувајќи финансиска администрација, маркетинг и политичко анкетирање. Таа е со-претседател на Комисија за финансии на OTW, каде служела од почетокот на комисијата. Читател на научна-фантастика и фантазија целиот живот, таа е член на онлајн фандомите уште од 1999 како читател, предложувач, бета-читател и мета писател за фандоми од историски филмови до стрипови за суперхерои. Од 2005 до 2011 таа служела како еден од собирачите за популарното фановско списание Метафандом (Metafandom).

Алисон Морис (Allison Morris) (2010-2011) Алисон Морис има диплома по јапонска литература од Универзитетот во Мичиген и моментално работи во јавна библиотека како надгледувач за јавни услуги. Долгогодишен фан, Морис е особено заинтересирена за фан-дела кои ја величаат работата на други фанови и трансформираат други фан-дела, вклучувајќи и ремикси, аудиофикови, препораки и други фан-уметности. Таа е плоден автор и залагач за аудиофикови; ја изградила и оддржува Аудиофик архивата, обезбедувајќи стабилно и постојано место за збирката на аудиофикови која постојано се зголемува. Исто така има одржано неколу работилници за аудиофикови. Освен Аудиофик архивата, Морис хостира и одржува веб-страници за неколку постоечки заедници и предизвици и кога може учествува на конвенции и конференции поврзани со фандомите.

Кристен Марфи (Kristen Murphy) (2010-2013) Кристен Марфи е дел од персоналот на програмата за Поединечно остручување на Универзитетот во Индијана и се здобива со магистерска диплома по високо образование и студентски прашања. Таа е со-организатор на првата конференција во САД за програми за поединечно остручување, која станала годишен настан. Таа работела на професионален тим за веб-развој и како писател и уредник за печатени и онлајн медиуми. Марфи се приклучила на онлајн фандомите во 1996, започнувајќи со Квантен скок (Quantum Leap) and Моќните претворачки пауер ренџери (Mighty Morphin Power Rangers) и се проширила на многубројни фандоми за научна фантастика и фантазија. Таа е страстен писател, бета-читател и аудиофикер.

Наоми Новик (Naomi Novik) (2007-2010, 2012) Наоми Новик е New York Times-најпродаван автор на наградуваниот серијал историска фантазија Temeraire, кој е преведен на дваесет и три јазици и е побаран за филм од режисерот Питер Џексон. Претходно, таа исто така работела на хит видео играта Neverwinter Nights: Shadows of Undrentide и помогнала да се започне Џуно онлајн услуги (Juno Online Services). Новик е активна во онлајн фандомите од 1994, издавајќи приказни и видеа во повеќе од педесет фандоми и основајќи неколку институции водени од фанови: повеќекорисничка онлајн игра со улоги започната во 1995, видинг конвенција започната во 2002 и годишна меѓуфандомска размена на приказни започната во 2003. Таа го создала софтверот со отворен код за автоматизирани архиви Automated Archive кој го користат многу архиви на фан-фикција и помогнала да се основа OTW во 2007, служејќи како претседател на Одборот од зачетоците низ првиот три-годишен мандат.

Никиша Сандерс (Nikisha Sanders) (2011-2014) Никиша Сандерс има диплома по социологија и антропологија од Еарлхам Колеџот каде напишала теза за родова репрезентација меѓу квир жените. Таа има работено како активист за зголемување на свеста и образованието за СИДА, лобирала за ЛГБТ права на локално и државно ниво како дел од кампањата за праведност (Fairness Campaign) и била член на одборот на коалицијата Работа со правда (Jobs with Justice) од Кентаки. Таа на Одборот му придонела искуство во менаџмент на непрофитни организации и сметководство и има личен интерес за воспоставувањето на контакт со фановските заедници на луѓе кои припаѓаат на различни не-бели етнички групи. Таа е релативно нова во онлајн фандомите, приклучувајќи се во 2000 како страстен читател на фан-фикција за Бафи: Убиецот на вампири (Buffy the Vampire Slayer) и има пишувано за различни телевизиски и филмски фандоми, вклучувајќи ги и НЦИС (NCIS), Криминални умови (Criminal Minds) и Хари Потер (Harry Potter) уште од 2006.

м-р. Џени Скот Томсон (Jenny Scott-Thompson, MA (Cantab)) (2012) Џени Скот Томсон е консултант за ИТ и менаџмент за голема меѓународна фирма и има неколку-годишно искуство во имплементација на системи и технолошки проекти. Таа изучувала математика на Универзитетот во Кембриџ и живее во Обединетото Кралство. Таа долгогодишен фан и девелопер на софтвер со отворен код. Таа волонтирала за Dreamwidth пред и по отворената бета, кога се здобила со понатамошна свест за прашањата поврзани со разноликост и пристапност. Таа е фан уште од кога научила да чита со спектар на фандоми за книги, телевизиски серии, филмови и фандоми за вистински личности.

Џесика Стајнер (Jessica Steiner) (2012-2015) Џесика Стајнер ја започнала нејзината кариера во фан-фикција со пишувањето на нејзинот прв роман за Ѕвездени патеки (Star Trek) во основно училиште. До доцните 90-ти, таа открила дека не е единствената која правела вакви работи и се вклучила во фандомите, примарно работејќи на Гандам Крило (Gundam Wing) и Бел крст (Weiβ Kreuz) и оттаму продолжила понатаму. Таа отсекогаш била талкач низ фандомите и има пишувано за преку 30 фандоми само откако нашла дом на АО3. Моментално нејзините примеарни фандоми се Домозатворен (Homestuck) и Марвел филмскиот универзум (Marvel Cinematic Universe). Освен што пишува фан-фикција, таа е адвокат и работи на професионалната писателска кариера. Таа се придружила на OTW во 2012 и служела на Комисијата за стратешко планирање пред да се приклучи на Управниот одбор.

д-р. Мишел Тепер (Michele Tepper, PhD) (2007-2008) Мишел Тепер е дизајнер на интеракција и ескперт за користење која им помага на фирмите да создадат запамтен и успешен софтвер, веб-страници и дигитални уреди. Таа издала влијателни есеи за онлајн заедници и социјални софтвери и е поранешниот веб-продуцент на списанието Лингва Франка (Lingua Franca). Има докторат по англиски од Универзитетот од Мичиген. Тепер е еден од создателите и дизајнерите на buffistas.org, страница изградена и одржана од фанови со фокус на Бафи: Убиецот на вампири (Buffy the Vampire Slayer). Страницата има повеќе од илјада членови и е активна пет години.

д-р. Алекс Тишер (Alex Tischer, DrMedVet) (2015-2017) е ветеринар на Итната служба и критична нега за животни (ECC). Има пораснато во Германија, а моментално живее во Обединетото кралство. Активно учествува во фандомите од пред милениумот и има мигрирано низ повеќе фандоми отколку што може овде да се наведат. Најновите се Реките на Лондон (Rivers of London), Лица за отстрел (Person of Interest) и Лудиот Макс: Патот на бес (Mad Max: Fury Road). Член е на OTW речиси континуирано од 2008, волонтира во некој капацитет за истото време. Освен фандомите, некако има завршено во чудниот и прекрасен свет на спортовите – кои се многу специфични групи кои наликуваат на фандомите на изненадувачки начини. Кога не се грижи за болни миленичиња, Алекс може да се најде на полигоните со препреки и се бави со качување и трчање речиси толку често како конзумирањето на медиумски содржини.

д-р. Ребека Ташнет (Rebecca Tushnet, JD) (2007-2010) Ребека Ташнет е професор на Правниот центар на Универзитетот Џорџтаун. Дипломец од Правниот факулет на Јејл, таа била службеник за главниот судија Едвард Р. Бекер (Edward R. Becker) за Апелациониот суд за третиот округ во Филадефија и судијата за Врховниот суд на САД Дејвид Х. Соутер (David H. Souter). Таа се бавела со право за интелектуална сопственост за фирмата Debevoise & Plimpton пред да се приклучи на персоналот на Универзитетот во Њујорк, а потоа преминала на Џорџтаун. Нејзините трудови за авторски права, заштитни знаци и слобода на говор биле објавени во Правното списание на Јејл (Yale Law Journal), Правното списание на Калифонискиот универзитет во Лос Анџелес (UCLA Law Review), и Правното списание на Тексас (Texas Law Review), а таа има блог за рекламирање и интелектуална сопственост на http://tushnet.blogspot.com. Таа ги советувала и претставувала неколку веб-страници за фан-фикција во спорови за авторски права и сопственици на заштитни знаци. Ташнет е активна во онлајн фандомите од 1996 и има пишувано приказни во фандомите за Досиеја икс (X-Files), Бафи (Buffy) и Смолвил (Smallville).

Елизабет Јалкут (Elizabeth Yalkut) (2010) Елизабет Јалкут е студент на Универзитетот Колумбија во Њујорк. Таа работела во равој, маркетинг и стратегија за непрофитни правни и театарски организации и е долгогодишен волонтер во синдикатот за американски граѓански слободи, а моментално работи во одделот за образовна технологија на Барнард колеџот. Храната е една од нејзините фандоми: Јалкут има блог за храна на Еден многу невообичаен готвач (A Very Uncommon Cook). Јалкут исто така служи како благајник на Здружението за научна-фантастика на Универзитетот Колумбија и моментално ужасно ужива во Мерлин (Merlin), Хрониките на Сара Конор (Sarah Connor Chronicles) и Пиратите од Карибите (Pirates of the Caribbean).