Fanlore

Upang pangalagaan ang kasaysayan ng mga ibahing hangang-katha at ang mga fandom na pinagmulan ng mga ito, gumawa ang OTW (Organisasyon para sa Ibahing Katha) ng sarili nitong fandom wiki, ang Fanlore. Inilunsad ang beta version ng Fanlore noong Setyembre 2008. Lumabas naman ang opisyal na wiki noong Disyembre 2010.

Sa pamamagitan ng Fanlore wiki, maaaring ilahad ng mga tagahanga ang kanilang mga karanasan at pagkakaunawa tungkol sa fandom. Ito ay nagsisilbing artsibo tungkol sa kasaysayan ng fandom, na para rin sa mga tagahanga mismo. Nagbibigay din ito ng konteksto tungkol sa fandom para sa mga hindi kasapi nito, pati na rin sa mga akademiko at baguhan, sa paraan na kontrolado ng mga tagahanga ang paglalarawan sa kanila.

Inaanyayahan namin ang lahat ng mga tagahanga na sumali sa proyektong ito at makibahagi sa pagmamay-ari ng nilalaman ng wiki. Noong nagsisimula pa lamang ang proyekto, nangalap ang Komite ng OTW Wiki ng mga boluntaryo, at gumawa sila ng mga patnubay para sa magiging ayos ng wiki. Kumonsulta rin sila sa mga unang tagagamit nito, na siya ring namahala sa paggawa ng nilalaman. Sadyang hindi natatapos ang paglikha sa wiki, at patuloy itong sinusuportahan, ginagabayan, at pinapaunlad ng Komite ng OTW Wiki kung saan kinakailangan.

Ang lahat ng nilalaman ng wiki ay nasa ilalim ng Creative Commons license; ibig sabihin, pwedeng kopyahin ito ng kahit sino sa ibang website. Ang wiki ay binuo gamit ang open-source software.